Jenesis 40:15 - Buka Blahi Ka Cheke Holo

¹⁵ Ulu lahu na mare neke blau ghau iara ka namonomi ghehati mae Hibru gre neke hata mei ghau iara agne. Eghuteuna kate au teu iara agne Ijep na iara neke theome eni kaisei najafra. Nu mare neke fiti lilisei ghau iara ka bara igne, kate theo nafugna kolho.”

Jenesis 40:15 ပူးပေါင်းရင်းမြစ်များ

Jenesis 39:20

Aonu mae Potifa ne cheke ka hatimare mae soldia re ne lokini mae Josep ne tei lilisei ka suga sosolo na. Mae Josep ne tei au ka suga sosolo aheva te au teu mae iheire te diꞌatagnadi mae king re.

Ululahu Timoti 1:10

ba iheire te eni puhi te diꞌa, ba iheire te glalama fari nalhaꞌu, ba iheire te blau naikno te mala fofoli jateula sneka, ba iheire te cheke chaichaghi tafri, ba iheire te cheke chaichaghi ka fate, ba iheire te eni kaisei glepo te theome leghuni farirhiu te keli na.

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Jone 10:32

Nu mae Jisas ne cheke eghu ka mare, “Iara neke edi kmana gloku te keli ka nogna nolaghi mae Mama tela filodihi ghotilo ra. Kau gloku te keli aheva gre site romi fadi falehe ghau iara ghotilo ka thina gnea?”

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Ululahu Samuel 24:11

Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Diutronomi 24:7

“Jame kaisei mae lokini mae kheragna na eghuteuna huhuruni mana mala nogna naikno sneka, ba foli mala kaisei nogna sneka, te eghuna, ghotilo aknu falehe mae igne. Ghotilo aknu falehe mae igne mala koko puhi te diꞌa igne ka ghotilo.

Eksodas 21:16

“Ihei te blauni keha mae na, neuba mana ne sabirihi mala sneka neu, ba tathajiu, ghotilo aknu falelehe mae igne.

Jenesis 41:12

Kaisei mae majaghani gna Hibru neke au balumi ghepa ka sosolo jare. Mana kaisei nogna mae gloku mae kapten di hatimare mae soldia te mala reireghigna nou suga iagho gne. Ghepa neke toutonu ka mana nomi mifire. Aonu mana neke rurutha ranghi ghami ghepa u gaoghathodi nomi mifi ghepa re neku.

Jenesis 14:13

Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.

Jenesis 40:16

Mae te mala reireghigna suga bret na igne ne nomhini u grurutha te eni mae Josep ka nogna mifi mae te mala hata kapu waen te mei koba ka mae king na igne ne thofno keli fara. Aonu mana ne cheke eghu ka mae Josep, “Iara gne jaola neke mifi. Nogu mifi iara na e eghu agne. Iara neke lilisei thilo khara'o te fodu ka bret ka phaꞌugu na.

Nodi Khoje Hatimare Mae Jiu 105:18

Ka suga sosolo jare Ijep, mare neke haruni mana ka chen ghahegnare, aonu mare neke lisei lao kaisei aean ring ka graragna na.

Nodi Khoje Hatimare Mae Jiu 109:2

Naikno te diꞌa nei mae te chaichaghi teu igre mare cheke fapari ghau iara. Mare cheke chaichaghi koba eigna te mala goigoni ghau kolho iara na.