Jenesis 40:11 - Buka Blahi Ka Cheke Holo

¹¹ Iara ne hata nogna kapu mae king gna Ijep na. Aonu iara hata sisi grep tuare ne poji lao ka kapu na kholodire ne hata ne tei ka mae king.”

Jenesis 40:11 ပူးပေါင်းရင်းမြစ်များ

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Fapea Kronikols 9:4

Eghuteuna naꞌa filodi gano te au ka tevo na, nei gnokrodi nogna mae biꞌore, nei pohe te pipichi nogna mae glokure. Naꞌa jaola filodi mae gloku te hata te mei gano nei waen teu ka gaghamu na. Eghuteuna naꞌa filodi fafara te edi ka nogna Sugablahi Lord na. Kuin ne jaglo nogna fara ka gobigna lepo igre.

Proveb 3:10

Jame te eghu iagho na, iagho ginauna au gheu kmana gano nei waen.

Levitikas 10:9

“Jame iagho ba kaisei thumu iagho koꞌu waen ba beer, ghotilo thosei mei ruma lamna ka Suga tapuale te Blahi igne. Jame kaisei ka ghotilo huhughuni blahi igne mana ginauna lehe. Igne kaisei vetula te mala tathaji fabrahu tharaknamu iagho na.

Jenesis 49:11

Iagho ginauna na au ka pharikeli, baludi unha te nabamu iagho re. Nou nagare nei nou buluka teu iagho re ginauna na e bruara. Eghuteuna gheu gano mala ima nei waen teu iagho re ginauna na kmana fara.

Jenesis 40:21

Mae king ne cheke ka mae te mala hata kapu waen te mei koba ka mana na mala ke pulo ka nogna gloku na.

Jenesis 40:1

Keha fata ke leghudi igre, phei nogna ofisa mae king gna Ijep re neke edi keha glepo te jafra fara ka mae king. Phei mae igre keha na mae mala hata kapu waen mei koba ka mae king, eghuteuna kaisei na mae mala reireghigna nogna suga bret mae king na.

Jenesis 40:10

Gaju igne au thilo gregegna. Kate filo teu iara na grege igre neke thugru ne ghosei neke chechenge, eghuteuna sisi igre ne muita.

Jenesis 40:12

Mae Josep ne cheke eghu ka mana, “Uve, igne u gaoghathogna nou mifi iagho na. Thilo grege igre eidi thilo narane.