Jenesis 4:26 - Buka Blahi Ka Cheke Holo

²⁶ Mae Set jaola ne au kaisei thugna nalhaꞌu nanghagna na mae Enos. Ka narane tuare naiknore ne funu tarai ka Lord.

Jenesis 4:26 ပူးပေါင်းရင်းမြစ်များ

Nodi Khoje Hatimare Mae Jiu 116:17

Iara ginauna fafara mala tegio ka iagho. Uve, iara ginauna tarai ka iagho mala tegio nigho.

Ululahu Kings 18:24

Ghotilo nogna profet Baal ra tarai ka nomi god na, eghuteuna iara ginauna tarai ka Lord. Eghuteuna God mae ihei te snakre mei khaꞌaghi igne na ngala te thofno God te tutuani na.” Kate nomhini naiknore cheke igne, mare ne thagru eghu fabiꞌo, “Unha te chekeni iagho igne thofno doglo fara!”

Profet Sefanaea 3:9

“Ka Narane igne, iara ginauna tusu lao gaoghatho majaghani ka naikno te au ka kantri igre. Uve, gaoghathodi naikno igre ginauna majaghani mala pogho soru ghau iara, nei mala kaisei nagnafa eghu mala leghuni chekegu iara na.”

Profet Joel 2:32

Nu ihei te tore ka iara Lord te mala toghoni ka narane igne teuna, iara ginauna fakarhini naikno tuana. Iara neke kulu cheke ranghidi naikno te gnafa te au ka Thogele blahi Saion, eghuteuna keha naikno te au ka namono biꞌo Jerusalem ginauna rikhani glehe na. Naikno te vahi fadelei iara igre na theome lehe.”

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Luku 3:38

Mae Kainan gne neke thugna mae Enos. Mae Enos gne neke thugna mae Seti. Mae Seti gne neke thugna mae Adam. Mae Adam gne neke thugna God.

Profet Jeremaea 33:16

Ka narane te funei fruni mana jateula king teu igne, mana ginauna fakarhidi nogu naikno iara te au Juda, nei Jerusalem. Eghuteuna mare ginauna kiloni nanghagna mae igne na, Lord Sedekenu. Gaoghathogna cheke igne, Mae ihei te eni unha te doglo ka nogna naiknore.’

Jenesis 26:25

Aonu mae Isak ne titili ka thina kaisei olta ka vido igne ne cheke fakelini nanghagna Lord na jare. Gnafa teuna mana ne hohoro haghe kaisei nogna suga tapuale ka vido tuana eghuteuna nogna mae gloku mana re ne dokha kaisei khoꞌu seu jare.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Letas Teke Riso Tei Mae Pol Ka Khiloau Rom 10:13

Te chekeni ka grioriso te blahi na, “Iheire fateo te tore ka Lord re, mana ginauna fakarhidi.”

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Mae Khuru 2:21

Aonu ihei te tore ka nanghagna Lord na, iara ginauna na fakarhidi.’

Profet Isaia 63:19

Funu tifa te ghilei mei posa gognarogne ghehati jateula naikno te theome funei fruni ghami iagho ra eghu kolho. Uve, ghehati jateula te fiti naikno ra eghu kolho ka iagho.

Profet Isaia 48:1

Ghotilo naiknomi Israel teke karha mei ka vikegna mae Juda ra, nei ghotilo goro thugna mae Jekop ra eghu fanomho mei ka cheke igne! Ghotilo nhaꞌa cheke ka nanghagna Lord, eghuteuna ghotilo chekeni kolho nate tufru soruni nodi God mae Israel. Eigna ghotilo cheke fahaehaghe koba ne naiknogna nogna namono Blahi God teuna. Eghuteuna ghotilo jaola chekeni te lelheghu ka God gna Israel, nanghagna na Lord mae ihei te au nolaghi fateote'o. Nu ghotilo thono chaghi fara! Ghotilo theome thofno leghuni kolho puhigna Mana te doglo na.

Profet Isaia 44:5

Eghuteuna keha naiknodi ka keha kantri are ginauna fatutuani ghau iara. Keha ka mare ginauna cheke eghu, ‘Iara nogna Lord.’ Eghuteuna kehare ginauna cheke eghu, ‘Iara vikegna Jekop.’ Eghuteuna kehare ginauna rioriso nanghagu iara na ka khamedire. Eghuteuna kehare ginauna kilodi thedi naiknodi Israel.”