Jenesis 4:23 - Buka Blahi Ka Cheke Holo

²³ Kaisei narane mae Lamek ne cheke fahaehaghe eghu ka phei khetognare, “Ada ghe Sila, fanomho fakeli ka chekegu iara gne! Kaisei mae majaghani neke magra ka iara eghuteuna iara neke faleheni mana.

Jenesis 4:23 ပူးပေါင်းရင်းမြစ်များ

Naba 23:18

aonu mae Balam ne cheke eghu ka mana, “Uve, ghema Balak, thugna mae Sipoa, fanomho fakeli iagho ka nogu cheke iara gne:

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Eksodas 20:13

“Thosei aknu poruni ihei ka gaoghatho te diꞌa.

Jajis 9:7

Kate nomhi Jotam eigna igne, mana tei ka thogele Gerisim, eghuteuna mana ne eha eghu fabiꞌo, “Ghotilo naiknomi Sekem! Ghotilo fanomho mei ka iara! Jame te fanomho ghotilo ka iara na, jau God fanomho ka ghotilo.

Jenesis 4:22

Sila jaola ne au kaisei thugna nalhaꞌu, nanghagna na Tubal-Kein. Mae Tubal-Kein gne mae kuꞌedi hatimare mae te mala loku ka thua nafnata bras nei aean. Mae Tubal-Kein gne au kaisei greghagna, nanghagna na Nama.

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!