Jenesis 4:22 - Buka Blahi Ka Cheke Holo

²² Sila jaola ne au kaisei thugna nalhaꞌu, nanghagna na Tubal-Kein. Mae Tubal-Kein gne mae kuꞌedi hatimare mae te mala loku ka thua nafnata bras nei aean. Mae Tubal-Kein gne au kaisei greghagna, nanghagna na Nama.

Jenesis 4:22 ပူးပေါင်းရင်းမြစ်များ

Fapea Kronikols 2:7

“Iara magnahaghei nigho iagho te famei kaisei mae te lasedi fara te edi thua nafnata glepo ka gol nei silva, nei bras, nei aean, nei lase susuki thotoghale ka pohe te kakarha, ba te ukru, ba te ngonge. Iara magnahaghei mae ihei te lase horo mumuju nei thotoghale ka gol ne bras nei thina. Mana tangomana te loku baludi nogu mae gloku iara igre ka nohi Juda nei ka namono biꞌo Jerusalem. Mae gloku igre lasedi fara te edi thua nafnata gloku, eghuteuna mae kmagu iara na la vahidihi mare.

Diutronomi 33:25

Ghotilo tangomana te au fakeli fabrahu naugna ghotilo tangomana te hata aean nei bras eghu mala horo grengathadi gringni thinagna nomi namono na mala maku fakeli. Eghuteuna nakarhami ghotilore ginauna rheta fabrahu leghu rane.”

Diutronomi 8:9

Eghuteuna kate au teu ghotilo ka glose igne, ghotilo ginauna na theome kmoꞌe ka gano na, eghuteuna ghotilo ginauna jaola theome ninhigrana ka kaisei glepo na. Jare na au thina mala horo aean tagna, eghuteuna ghotilo ginauna tangomana te dokha bras ke lamna gukhu.

Naba 31:22

Gol, silva, bras, aean nei keha glepo la ngau te theome tangomana khaꞌaghi te goigonidire, ghotilo ginau ke gahu ka khaꞌaghi, eghuteuna ke leghu na, ghotilo ginauna ke wasi ka khoꞌu igne mala ke gae glepo tuare ka tathagna Lord na. Nu keha glepo te theome tangomana gahu ka khaꞌaghi re, ghotilo ginauna wasi kolho ka khoꞌu.

Eksodas 25:3

“Igre u nafnata glepo te mala atha te mei ghotilo ka iara re: gol nei silva nei bras,

Jenesis 4:21

Mae Jabal ne au kaisei tahigna, nanghagna na Jubal. Mae Jubal na kuꞌedi hatimare mae te lase khodili nei nifu.

Jenesis 4:23

Kaisei narane mae Lamek ne cheke fahaehaghe eghu ka phei khetognare, “Ada ghe Sila, fanomho fakeli ka chekegu iara gne! Kaisei mae majaghani neke magra ka iara eghuteuna iara neke faleheni mana.