Jenesis 4:19 - Buka Blahi Ka Cheke Holo

¹⁹ Mae Lamek ne tolaghi ka phei gaꞌase, nanghadire Ada ghe Sila.

Jenesis 4:19 ပူးပေါင်းရင်းမြစ်များ

Jenesis 2:24

Eghume mae nalhaꞌu na mala jifla kokodi idogna kmagna re mala au fodu balugna khetogna na. Naugna igne repa mala theome jateula phei naikno eghu, nu repa mala jateula kaisei naikno eghu kolho.

Matiu 19:8

Mae Jisas ne cheke eghu ka mare, “Mae Moses neke snakreni ka ghotilo te mala koko khetomire, naugna ghotilo ne tiromi fanomho fakeli ka nogna farirhiu God na. Nu neke theome eghu ka narane God teke vuavuhadi gaꞌase ghe nalhaꞌu gre.

Jenesis 2:18

Aonu Lord God ne cheke eghu, “Theome keli mae igne te au sopa thegna na. Iara ginauna na vuavuha kaisei kheragna mana mala toghoni mana.”

Jenesis 4:18

Kate biꞌo haghe na, mae Enok ne au kaisei thugna nalhaꞌu, nanghagna na Irad. Eghuteuna mae Irad ne au kaisei thugna nalhaꞌu, nanghagna na Mehujael. Eghuteuna mae Mehujael ne au kaisei thugna nalhaꞌu, nanghagna na Metusael. Eghuteuna mae Metusael ne au kaisei thugna nalhaꞌu nanghagna na Lamek.

Jenesis 4:20

Ada ne fakarhani mae Jabal. Mana mae kuꞌedi hatimare mae te lase oho buluka, sipu nei nanigot, eghuteuna mae igre thuru ka suga tapuale kate tei tafri ka nodi gloku re.

Jenesis 4:23

Kaisei narane mae Lamek ne cheke fahaehaghe eghu ka phei khetognare, “Ada ghe Sila, fanomho fakeli ka chekegu iara gne! Kaisei mae majaghani neke magra ka iara eghuteuna iara neke faleheni mana.

Fapea Kronikols 24:3

Jehoada ne vahidi phei gaꞌase mala tolaghi ka king, eghuteuna king ne tolaghi ka repa, eghuteuna repa ne au thudi ka mana.