Jenesis 4:14 - Buka Blahi Ka Cheke Holo

¹⁴ Filo sagho! Iagho theome magnahaghei ghau iara te mala loku ka glose igne na, nei iagho magnahaghei ghau iara te tei delei mala thosei filoni tathagu iara na ka nou namono gne. Eghuteuna te chekeni iagho na iara gne mae mala tei tafri kolho ka nauthoglu igne. Eghume iara gne mhaghu nogu fara, eigna glahula te mei filo deni ghau mare na, mare ginauna na akni falehe ghau iara.”

Jenesis 4:14 ပူးပေါင်းရင်းမြစ်များ

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Proveb 28:1

Naikno te diꞌa re tangomana te rikha na neubane theo kaisei mae te ngolhidire. Nu naikno te doglo na kegra heta jateula lion eghu.

Diutronomi 28:65

Eghuteuna ka keha namonore, ghotilo ginauna na theome tangomana te filoni pharikeli ba vido mala gnafa. Eghuteuna theo kaisei namono te ghathoni ghotilo ne nomi namono themi teuna. Ghotilo ginauna nanga nomi fabrahu, eghuteuna gaoghathomi ghotilo re na theome tangomana te au blagna na, aonu gaoghathomi ghotilo re ginauna glaꞌe soru.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Profet Jeremaea 52:3

Lord diꞌatagna fara ka naiknodi Jerusalem ghe Juda igre ne khi fajifladi ka nogna namono na. Aonu King Sedekaea ne mamagra ka King Nebukadnesa gna Babilonia.

Naba 35:27

eghuteuna kheragna mae te lehe gne thafoni mana me faleheni mana teuna, kheragna mae te lehe igne theome nabagna te mala parani ka glehe na.

Naba 35:21

ba diꞌatagna nei magrani mana, nu mana kaisei mae aknu poru, ghotilo ginauna faleheni mana. Uve, kheragna mae te lehe igne ginau faleheni mana kate thafoni mana na.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Profet Hosia 13:3

Naugna te edi ghotilo puhi te diꞌa igre, ghotilo ginauna na ghosei tei dofi ghami jateula khoveo ke kligna thogele te ghosei te tei dofini hamerane boibongi ra eghu. Eghuteuna na jateula nabubla te ghosei te moja kate brana naprai ia eghu. Ghotilo ginauna dofi ghami na jateula chara wit te flalo te tei ka nuri, ba jateula gagahu khaꞌaghi te tei te dofini ka maloa ra eghu kolho.

Profet Isaia 8:22

Eghuteuna kate filo tafri mare ka nauthoglu igne te mala toghodi na, nu theo kaisei thotogho kolho nate filoni mare na. Mare filoni puhi biꞌo kolho ka vido te gnafare, igne jateula gromno te toku tafruni namono na ia eghu kolho. Eghuteuna God ginauna koko sorudi naikno igre ka vido te romno fara na.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Nodi Khoje Hatimare Mae Jiu 109:12

Ghehati theome magnahagheni kaisei naikno te kokhoni ni mana na, nei jaola theo kaisei naikno te kokhonidi thugna mana teke lehe kokodire eghu!

Nodi Khoje Hatimare Mae Jiu 109:10

Ghehati magnahaghedi thugna mana re te theo sugadi nei mala leuleghu suga nei hiro gano eghu mare. Eghuteuna naiknore ginau khi fajifladi ka suga te diꞌa fara teke au rehati na.

Fapea Samuel 14:7

Eghuteuna gognarona, vikegu iara re diꞌatadi fara ne cheke ka iara mala snakreni ia keha mae te karha teu igne mala aknu falehe. Naugna mana neke faleheni mae thabusigna thegna na. Nu mare jame magnahaghei te faleheni mana mala ke hata nomi glose ghehati na. Jame te eni mare igne na, iara ginauna theo kaisei thugu, eghuteuna khetogu iara na ginauna theo kaisei na teke tughuni nanghagna mana na.”

Levitikas 26:36

“Iara ginauna famamhaghu ghami ghotilo iheire te au teu ka keha kantri ra mala thofno mhaghu nomi fara ghotilo. Neubane naogla gna kaisei khakla gnognofi te flalo ka nuri, ghotilo mhaghu na rikha. Eghuteuna ghotilo ginauna rikha jateula te ngolhi ghami mae naoka ra eghu, eghuteuna ghotilo ginauna tangomana te uka na, neubane theo kaisei naikno te ngolhi ghami ghotilo na. Eghuteuna ghotilo ginauna rikha na tothokei fari themi kolho, na uka tafri pari, eghuteuna ginauna theo nomi nolaghi te mala magridi nomi naoka re.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Jenesis 3:24

Ke leghugna te kuru fajifladi ka nagare Eden, God ne lilisei kaisei tothoghei engel mala kegra ke maghati gna nagare Eden, nei lilisei kaisei naflahi khaꞌaghi te dudulu te figri tafri na. Mana neke eni igne mala theome tangomana repa te lao thoke ka gaju te mala tusu lao karha na ka naiknore.

Jenesis 4:13

Mae Kein ne cheke eghu ka Lord, “Thibri igne thono biꞌo fara ranghi ghau iara!

Diutronomi 28:64

“Jame te theome ghatho tahuni ghotilo Lord na, mana ginauna fariki raka ghami ghotilo ka keha kantri are, funu ka keha philegna nauthoglu na tei posa ka keha philegna nauthoglu na. Kate au ghotilo ka kantri igre, mare ginauna huhuru ghami ghotilo mala tarai pogho soru ka keha god teke horo ka thaba nei thina eghu kolho, eghuteuna ghotilo nei kuꞌemi ra eghu neke theome lasedi mumuju igre.