Jenesis 4:10 - Buka Blahi Ka Cheke Holo

¹⁰ Aonu Lord ne cheke eghu ka mae Kein, “Thono diꞌa fara unha te eni iagho ranghini mae tahimu na. Filo sagho! Dadara gna mae tahimu iagho na la tanhi hi ka iara te mala foli fapuloni unha najafra teke eni iagho na.

Jenesis 4:10 ပူးပေါင်းရင်းမြစ်များ

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Nodi Khoje Hatimare Mae Jiu 72:14

Uve, mae king tangomana te magra fothidi iheire te paradi nei goigonidi teu naikno igre naugna te ghathoni mana na nakarhadi naikno igre thofno glepo ulu fara ka mana.

Jemes 5:4

Fanomho mei ka iara ghotilo ia! Igne keha fagaglana eigna puhi te salo fodu sileni ghotilo malami themi kolho na. Ghotilo chaghidi nei theome tabadi eghu kolho nomi mae glokure. Eghuteuna God mae ihei te nolaghi na ngala te nomhidi nodi natanhi nei diꞌanagnafa teu nomi mae gloku ghotilo re.

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Naba 35:33

“Ghotilo laseni hila, mae aknu poru na tangomana te goigonini nomi namono ghotilo na. Eghume ghotilo thosei lisadi keha mae are mala goigonini nomi namono ghotilo na. Ghotilo mala faleheni kolho mae te khuru falehe naikno fara tuana, mala ke keli nomi namono ghotilo na.

Thoutonu Eigna Mae Job 16:18

Glose! Jame te lehe iara na, iagho thosei pophoru dadaragu iara na, snakreni mala tanhi fabrahu.

Jenesis 9:5

Eghuteuna iara theome snakreni ka ghotilo te mala faleheni naikno na. Jame ihei te faleheni keha naikno na ghotilo ginauna mala falelehe mae tuana. Jaola jame kaisei buluka te faleheni naikno na, ghotilo falelehe buluka tuana. Naugna iara neke vuavuhani naikno na mala jateula thegu neku.”

Nodi Khoje Hatimare Mae Jiu 50:21

Ghotilo neke edi gobigna lepo igre, eghuteuna iara neke theome cheke ka ghotilo neku. Aonu gaoghathomi ghotilo na iara gne jateula ghotilo eghu kolho. Nu thono theo fara eghu. Iara gognaro na diꞌatagu fara ka ghotilo, eghuteuna iara na falalase ari ke ulumi ghotilo unha teke eni fadi ghotilo na eghu!

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Thoutonu Eigna Mae Job 24:12

Iheire te ghoreho te namo lehe re, tanhi ke lamna namono mala toghodi God. Nu God theome eni kaisei glepo eidi glepo te diꞌa igre.

Fapea Kings 9:26

Lord neke cheke eghu, ‘Gnora na iara neke filodi dadaragna mae Nabot baludi thugna ra. Eghume, te chekeni iara ka iagho na, iagho ginauna nake foli fapulo nodi glose mare igne.’ Iagho tei hata thinigna king ia mala tei koko ka glose tuana jateula teke chekeni Lord ia eghu.”

Josua 7:19

Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Jenesis 18:20

Aonu Lord ne cheke eghu, “Iara neke nomhidi kmana puhi te thono diꞌa fara te edi naikno di Sodom ghe Gomora gre.

Jenesis 3:13

Aonu Lord God ne cheke eghu ka Ivi, “Ba, Ivi mala unha sagho te eni puhi ignea?” Naꞌa ne cheke eghu, “Mogo na neke cheke famaemahe ghau iara neke chaghi ghau iara mala ghamu iara sisi gna gaju na neku.”

Mae Khuru 5:9

Mae Pita ne cheke eghu ka naꞌa, “Faꞌunha ne ghatho deni si ghopa puhi te mala fariuriu chaghini mae Tharunga te Blahi gnea? Filo sagho! Mae majaghani teke tei giugiluni khetomu iagho ia tela mei kegra teu ka grengatha na are. Mare ginauna nake pala fajifla nigho la iagho!”

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Diutronomi 21:1

Mae Moses ne cheke eghu, “Kate au ghotilo ka glose aheva Lord nomi God nate tusu ari ka ghotilo na, jame keha mae filoni kaisei mae na lehe mata nu ghotilo theome laseni mae ihei teke falehe gna na.

Ululahu Samuel 13:11

nu mae Samuel ne cheke eghu ka mae Sol, “Naugna unha sagho te eni glepo ignea?” Mae Sol ne cheke eghu ka mana, “Iara la filodi mae soldia gre la funu rikha ghau iara, eghuteuna iagho theome mei ka narane teke nhaꞌa chekeni iagho ia. Eghuteuna mae soldia di Filistia gre la haghe auhi ka namono Mikmas.

Fapea Kronikols 28:9

Nu kaisei nogna profet Lord nanghagna na Oded, mana au Samaria. Kate ke pulo mei Samaria armi gna Israel igne, mana jifla ne tei thafodi mare. Aonu mana ne cheke eghu ka mare, “Lord nodi God kuꞌemi ghotilo ra diꞌatagna ka naiknodi Juda, naugna tuana ghotilo maemi Israel neke uludi mare. Nu te filoni Lord ka ghotilo na, ghotilo fameomekro te diꞌatami fara te aknu falehe kmana mae ra.

Nodi Khoje Hatimare Mae Jiu 9:13

Lord, kokhoni ghau iara! Filo meidi khabru nei diꞌanagnafa teu tela edi ka iara nogu naoka gre. Hata fapulo ghau, naugna iara gne la namohi kau glehe.