Jenesis 39:9 - Buka Blahi Ka Cheke Holo

⁹ Agne na theo kaisei mae te jateula iara teu ka te loku ka suga igne na. Mae Potifa theome lhotini kaisei glepo ka iara. Mana neke theome cheke ranghi ghau iara te mala thuru balumu iagho na, theo fara, naugna iagho khetogna mana. Iara theome tangomana te eni kaisei puhi te diꞌa ranghini mana. Jame te eni iara puhi te diꞌa tuana ranghini mana na, iara tapla jafra ka nakhibo ke ulugna God eghu.”

Jenesis 39:9 ပူးပေါင်းရင်းမြစ်များ

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.

Jenesis 20:6

Aonu God ne cheke eghu ka mae Abimelek ka mifi na, “Uve, iara lase nigho iagho neke eni puhi igne ka gaoghatho te doglo. Eghume iara neke theome snakre nigho iagho te mala thuru balugna gaꞌase igne na. Eghuteuna iara jaola theome snakre nigho iagho te tapla jafra ka nakhibo ka tathagu iara na.

Ululahu Jone 3:9

Ihei te thugna God na mana theome tapla jafra fabrahu ka nakhibo, naugna God tusu ranghini mana nakarha majaghani. Eghume mana theome tangomana te tapla jafra fabrahu ka nakhibo na, naugna mana kaisei thugna God.

Luku 12:48

Nu mae gloku te theome laseni unha te magnahagheni mae funei na nei edi glepo te theome magnahaghedi mana re teuna, mae funei na ginauna theome raꞌe parani fara mana. Naugna mae ihei teke tusu lao God ranghini mana kmana glepo te mala reireghi na, God ginauna magnahagheni mana te mala edi keha glepo ke biꞌodi igrei. Eghuteuna mae ihei teke tusu lao God ranghini kmana gloku na, God ginauna magnahagheni mae tuana mala ke edi keha gloku langau.”

Nodi Khoje Hatimare Mae Jiu 51:4

Nakhibo te eidi iara gre thofno tapla fapari nigho iagho kolho. Iara edi puhi te diꞌa igre ka tathamu iagho na. Eghume iagho nabamu fara te fate ghau iara na, iagho nabamu fara te chekeni te la jafrahi iara teuna.

Ululahu Korin 4:2

Tutuani, mae gloku na mala eni gloku te keli ranghini nogna funei na.

Profet Jeremaea 50:7

Kate mei mae naoka igre te thafodi nogu naikno iara igre na, mare ne thofno goigonidi fara, jateula lion te ghamu sipu teke snivi ra neu. Mae naoka igre ne cheke eghu, ‘Theome naba ghehati te papara eigna te goigonidi mare na. Naugna mare neke tapla jafra ka nakhibo ranghini Lord, mae ihei teke fablahidi mare na. Mare jateula sipu te au ka vido te au kmana buburu te keli tagna ra eghu. Uve, mare neke tapla jafra ka nakhibo ranghini Lord, mae ihei teke au nodi grouronu tagna mae kuꞌedi mare tifa ra.’

Profet Jeremaea 28:16

Naugna igne, Lord ne cheke eghu: Theome raugha, iara ginauna atha fadelei nigho iagho ka nauthoglu igne. Ka finogha igne iagho ginauna lehe, naugna cheke te edi iagho igre batudi naiknore mala theome leghuni nogu cheke iara na.”

Thoutonu Eigna Mae Job 31:23

Iara theome magnahaghei te eni kaisei glepo te diꞌa ka naikno te kuma, naugna iara mhaghuni nogna nolaghi God na, eghuteuna iara nanga nogu glahu goigoni ghau mana.

Fapea Samuel 11:27

Eghuteuna kate gnafa nogna narane diꞌanagnafa Batseba na, mae Devet ne fatei cheke ka naꞌa mala mei au ka nogna suga na. Mae Devet ne tolaghi ka Batseba ne au kaisei thugna nalhaꞌu. Nu Lord ne theome magnahagheni unha te eni mae Devet igne.

Naba 32:23

“Nu jame te theome edi ghotilo na, ghotilo jateula te eni puhi te diꞌa ranghini Lord eghu. Eghuteuna ghotilo jaola thofno laseni eigna Lord te ginau para ghami ka puhi te diꞌa te edi ghotilo re.

Proveb 6:32

Nu mae ihei te tapla jafra ka khetogna keha mae na, mae igne fameomekro eghuteuna mana goigonini thegna.

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Proveb 6:29

Filo sagho, mae te thuru balugna khetogna keha mae na, papara biꞌo ginauna thokeni mana.

Nehemaea 6:11

Nu iara ne cheke eghu ka mana, “Iara theome nafnata naikno te mhaghu nei rikha me tei poru teura sia. Eghume iara theome naba te rikha te tei poru lamna ka nogna Sugablahi God na te mala fakarhini nakarhagu na. Theo fara.”

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Jenesis 41:40

Iara vahi nigho iagho mala kaisei mae funei biꞌo ka namonogu iara igne, eghuteuna nogu naikno iara igre mala nomhidi nou cheke iagho re. Iara mae king, eghuteuna kaisei nanghagu iara igne ngala nate au ke klignamu iagho na.”

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Jenesis 20:3

Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Jenesis 20:9

Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”

Jenesis 39:10

Leuleghu narane na naꞌa mei toreni mae Josep mala thuru balugna mana. Nu mae Josep ne tirogna te nomhidi nogna cheke famaemahe naꞌa re te mala thuru balugna ba te mala lao te namo ka naꞌa na.

Eksodas 20:14

“Thosei huhughuni vetula gna tholaghi.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.