Jenesis 39:7 - Buka Blahi Ka Cheke Holo

⁷ Kaisei narane ke leghudi igre, khetogna mae Potifa na ne au nogna gaoghatho ka mae Josep neke cheke eghu ka mana, “Iagho mei mala thuru balugu iara.”

Jenesis 39:7 ပူးပေါင်းရင်းမြစ်များ

Fapea Samuel 13:11

Nu kate mei namo Tama baludi bret igre ka mana na, mana loku famaku ka Tama ne cheke eghu, “Greghaguo! Iagho mei thuru balugu iara!”

Fapea Pita 2:14

Leuleghu fata na kaisei glepo ngala te magnahaghei mare na, mala ei puhi ka gaꞌase. Nodi puhi diꞌa igre na theome gnafa ka mare. Mare saosagrodi naikno te theome heta nodi fatutuanire mala jaola fagoigoli. Mare laseni fara puhi mamagna na. Naugna igne God chekenihi te mala paradi naikno igre.

Profet Esikiel 16:34

Iagho thofno jafra fara ka keha gaꞌase vine igre. Reꞌe igre, mae nalhaꞌu te huhuru te mala folidi reꞌe te mala thuru baludi re. Nu iagho theo eghu! Iagho nga te toredi mae nalhaꞌu gre te mala folidi mare te mala thuru balumu re!”

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Profet Esikiel 16:32

“Iagho kaisei gaꞌase glalaba kolho! Iagho tirouni khetomu na, eghuteuna iagho thuru kolho baludi mae phosa.

Thoutonu Eigna Mae Job 31:1

Job ne cheke eghu: “Iara la enihi kaisei nhaꞌa cheke, mala theome filo tutu ka gaꞌase, eghuteuna thosei ghaoghatho mala eni puhi te diꞌa na ka naꞌa.

Profet Esikiel 16:25

Ka geri nabrou te gnafa igre, iagho neke ei namono mala edi nou glokure jateula vine eghu. Neuba iara ne togho nigho mala famane keli fara iagho filomu na neu, nu iagho goigoni nigho themu kolho ka puhi te tothora phei ghahemu are mala maladi mae iheire te gnafa te tei salaꞌu leghu nabrou are, mala mei thuru balumu iagho.

Profet Jeremaea 3:3

Naugna igne, iara na theome snakreni nakhete na mala soru mei ka nomi nagare ghotilo are. Nu neuba, ghotilo theome mamaja te tarai ka nomi god themi are.

Proveb 7:13

Naꞌa ne lokini mae majaghani igne. Naꞌa ne filo ka tathagna mana re ne cheke eghu:

Proveb 5:9

Na glahu diꞌa nanghamu na, eghuteuna lehe iagho kani majaghani nga eghu.

Proveb 2:16

Jame khetogna keha mae na cheke famaemahe ka iagho, gaoghatho te keli na ginauna bara nigho, eghuteuna iagho ginauna theome leghuni nogna cheke gaꞌase igne.

Nodi Khoje Hatimare Mae Jiu 119:37

Togho ghau iara sagho mala leghuni iara puhimu iagho te keli na, mala theome leghudi iara puhi te diꞌare.

Jenesis 6:2

Gaꞌase igre biꞌo haghe ne thono famane fara ka tathadi nogna tothoghei engel God re. Mare ne vavahi gaꞌase te magnahaghedi thedi re ne tolaghi.

Proveb 1:10

Thuguo, thosei leghudi nodi cheke famaemahe naikno te diꞌa are.

Proveb 6:26

Jame mae te thuru balugna gaꞌase vine na, mana na koko sileni ikoi kolho. Nu mae te thuru balugna khetogna keha mae na, mana ginauna fahuini nakarhagna na.