Jenesis 39:4 - Buka Blahi Ka Cheke Holo

⁴ Aonu mana ne keli tagna fara ka mae Josep ne vahini mana mala kaisei nogna mae funei gloku. Eghuteuna mana ne lisa lao ka Josep u nolaghi te mala reireghidi khetogna, thugna, nei gobigna lepo eghu te khotodi mana re.

Jenesis 39:4 ပူးပေါင်းရင်းမြစ်များ

Mae Khuru 20:28

Eghume filo fakeli ghami themiu, baludi naikno te gnafa teke lisa ari mala reireghidi ghotilo teku mae Tharunga te Blahi are. Ghotilo mala jateula mae greireghi sipu eghu mala reireghi fakelini nogna khiloau God teke fofoli ka glehegna mae Thugna ia.

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Jenesis 39:8

Nu mae Josep ne tirogna ne cheke eghu ka naꞌa, “Theo. Iara tirogu, naugna nogu mae funei iara gne mana neke vahi ghau iara mala reireghidi iara nogna gobigna lepo te gnafa ka suga na igre. Eghume mana theo kaisei ghatho peapea, kate loku teu iara igne na.

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Jenesis 19:19

Iagho neke kokhoni ghau nei lolokeli ranghi ghau neku fara iara neke fakarhigau iara ka glehe. Nu iara theome tangomana te rikha te tei ka thogele igro na eghu, naugna ne khaba fara. Neubane rikha ne tei iara, iara ginauna na lehe la ngala kate roꞌeni God namono igne na.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Proveb 17:2

Mae gloku te autagna gaoghatho keli na ginauna funei fruni ni thugna mae funei te diꞌa puhigna. Eghuteuna kate lehe mae funei igne na, mae gloku igne ginauna hata kasa nogna glepo mae funei na.

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Jenesis 33:10

Aonu mae Jekop ne cheke eghu, “Theo! Thabusigna, te keli tamu iagho ka iara na, iagho hata glepo te tusu ari iara ka iagho are. Kate filodi iara tathamu nei foflomu teu iagho are, iara gne jateula te filodi eghu tathagna nei foflogna eghu God, naugna iagho ne keli tamu fara ka iara.

Jenesis 18:3

Mae Ebraham ne cheke eghu ka thilo mae igre, “Thilo mae biꞌo, iara magnahaghei ghami ghotilo fara te mei ka sugagu iara nomi mae gloku ghotilo gne. Ghotilo theome tangomana te fasalaꞌuni nogu suga iara gne te tei kolho na.

Proveb 14:35

Mae funei na kelitagna fara kate filoni te loku fakeli nogna mae gloku na. Nu mana ginauna diꞌatagna fara ka mae te famamajani mana re.

Ululahu Samuel 16:22

Aonu mae Sol ne fatei cheke igre ka mae Jesi, “Iara thofno magnahagheni fara mae thumu iagho igne. Snakreni mana mala loku ranghi ghau iara.”

Jenesis 33:8

Mae Iso ne cheke eghu, “Mala unha eghu sagho gaoghathodire glepo atha te mei iagho mae gloku, tothoghei nanigot, sipu, kamel, buluka nei dongki eghu te mei thafodi iara ka nabrou na igre ra?” Mae Jekop ne cheke eghu ka mana, “Nogu funei, glepo igre mala ke fakeli nagnafa ka iagho kolho.”

Jenesis 32:5

Iara au nogu tothoghei buluka, dongki, sipu, nanigot, mae gloku nei gaꞌase gloku eghu. Iara faꞌari cheke igne ka iagho nei tore nigho iagho eghu mala keli iagho ranghi ghau iara eghu.’ ”

Jenesis 15:2

Nu mae Ebram ne cheke eghu, “Lord God, unha glepo te keli gne nate tusu mei iagho ranghi ghau iara na? Glepo mala nogu iara teku iagho gre na theo ihei nga teke khotodire naugna iara gne theo kaisei thugu! Kate lehe iara ginauna mae Eliesa gna Damaskas ihei te loku ka suga gu iara gne ngala nate ke khotodi glepo teke khotodi iara re.”

Ululahu Kings 16:9

Simri kaisei mae komanda, mana mala magra ka King Ela. Mae Simri mae funeigna kaisei nogna tothoghei chariot. Aonu mae Simri ne hironi kaisei nabrou te mala faleheni King Ela. Kaisei narane, king au neu Tiasa, mana koꞌu waen neu ka sugagna mae Arasa mae ihei te mae biꞌo ka sugagna king.

Thoutonu Eigna Rut 2:6

Mae funeigna gloku na ne cheke eghu ka mae Boas, “Gaꞌase ana thaugna Moab neke mei agne balugna Naomi.

Ululahu Samuel 2:26

Nu mae Samuel ne biꞌo haghe, eghuteuna Lord ne keli tagna ka mana, eghuteuna naiknore jaola ne keli tadi ka mana.

Nogna Buka Esta 2:9

Kate filoni Esta na, mae Hegae, mae ihei te mala reireghidi fapea khetogna mae king igre ne thofno keli tagna fara ka Esta. Aonu mana ghosei ne tei hata ne mei famane oel ne ghiha ka thinigna Esta na, nei keha famane gano mala ima naꞌa. Aonu mana ne kaikaliti kaisei chogho te keli ka sugadi goro gaꞌase igre. Eghuteuna mana ne vavahi fitu gaꞌase mala loku ranghini.

Proveb 3:4

Jame te eghu iagho na, God ginauna keli tagna ka iagho, eghuteuna naiknore ginauna jaola keli tadi ka iagho.