Jenesis 39:23 - Buka Blahi Ka Cheke Holo

²³ Lord ne au balugna mae Josep ne toghoni mana, eghuteuna glepo te edi mana re ne keli fara. Mae te reireghigna suga sosolo na theome ghatho peapea ka unha te chekedi mana mala edi mae Josep teure.

Jenesis 39:23 ပူးပေါင်းရင်းမြစ်များ

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Jenesis 39:8

Nu mae Josep ne tirogna ne cheke eghu ka naꞌa, “Theo. Iara tirogu, naugna nogu mae funei iara gne mana neke vahi ghau iara mala reireghidi iara nogna gobigna lepo te gnafa ka suga na igre. Eghume mana theo kaisei ghatho peapea, kate loku teu iara igne na.

Jenesis 39:20

Aonu mae Potifa ne cheke ka hatimare mae soldia re ne lokini mae Josep ne tei lilisei ka suga sosolo na. Mae Josep ne tei au ka suga sosolo aheva te au teu mae iheire te diꞌatagnadi mae king re.