Jenesis 39:17 - Buka Blahi Ka Cheke Holo

¹⁷ Eghuteuna naꞌa ne toutonu ka khetogna na u nafnata thoutonu tuare la. Naꞌa ne cheke eghu ka mana, “Maegna Hibru teke hata mei iagho mala loku teku igne ne mei ka nogu chogho iara na ne magnahaghei eni puhi te diꞌa na ka iara.

Jenesis 39:17 ပူးပေါင်းရင်းမြစ်များ

Eksodas 23:1

Mae Moses ne cheke soru ka naiknore chekegna Lord na, ne cheke eghu, “Kate tei ka fate na, ghotilo thosei toutonu chaghi ranghini ihei unha glepo te theome tutuani na, ba toghoni mae ihei te diꞌa puhigna na.

Matiu 26:65

Kate nomhini igne, mae pris biꞌo na ne rerheku nogna phoko na, naugna mana diꞌatagna fara. Aonu mana ne eha eghu fabiꞌo, “Tore! Mae igne cheke faparini God! Gognarona tahati theome magnahaghei keha thoutonui eigna mana. Naugna ghotilo nomhinihi themi mana cheke faparini God.

Proveb 19:9

Chaghi ka fate na, iagho ginauna au papara. Te chaghi fabrahu na, iagho ginauna lehe.

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Proveb 12:19

Cheke te tutuani na au fabrahu. Nu cheke te chaichaghi na theome au raugha kolho.

Nodi Khoje Hatimare Mae Jiu 55:3

Iara mhaghu nogu fara ka nodi cheke nogu naokare. Nakarhagu na faꞌiho fara eigna mae te diꞌa gre nenei ghau iara fara. Mare goigoni ghau iara fara, diꞌatadi ghau nei tirodi ghau la iara eghu.

Nodi Khoje Hatimare Mae Jiu 37:14

Mae te diꞌare na korho fajifla nodi naflahi mala magra re nei na kulu lolho nodi phalohore eghu mala fadi falehedi naikno te kuma nei au kokhonidi teure, nei mala goigonidi eghu naikno te edi puhi te kelire.

Ululahu Kings 18:17

Eghuteuna kate filoni mae Elija na, mana ne cheke eghu, “Tore! Iagho si mae te ei puhi biꞌo agne Israel ia?”

Eksodas 20:16

“Thosei vuavuha cheke ranghini ihei.

Jenesis 39:14

naꞌa ne ehadi mae glokure ne cheke eghu, “Filo si ghotilo! Khetogu iara gne ne hata ne mei maegna Hibru gne ka noda suga gne la famamaja ghita tahati gognaro na. Mana neke mei ka nogu chogho iara gne ne tore ghau iara mala thuru balugna neu. Nu iara ne eha fabiꞌo fara.

Jenesis 39:16

Khetogna mae Potifa na louloku neu nogna phoko mae Josep na ne ghilei ruma mei mae Potifa ka suga na.

Jenesis 39:18

Nu kate eha fabiꞌo fara iara na mana ne lisu koko nogna phoko na ne rikha ne tei kosi.”

Proveb 26:28

Mae te chaghi na tirognadi naikno te goigonini re. Cheke te mamahe na goigonidi gobigna lepore.