Jenesis 39:1 - Buka Blahi Ka Cheke Holo

¹ Hatimare mae vikegna Ismael gre hatani mae Josep ne tei Ijep. Eghuteuna kaisei maegna Ijep nanghagna na mae Potifa ne folini mae Josep mala nogna mae gloku. Mae Potifa gne kaisei nogna ofisa mae king gna Ijep, nei nodi kapten hatimare mae soldia te mala reireghi gna nogna suga biꞌo mae king na.

Jenesis 39:1 ပူးပေါင်းရင်းမြစ်များ

Nodi Khoje Hatimare Mae Jiu 105:17

Nu mana neke hohoro kaisei nabrou maladi mare neke kuru teini kaisei mae mala kulu tei Ijep. Nanghagna na, mae Josep. Mare neke kuru teini mana mala jateula kaisei mae sneka eghu jare.

Jenesis 37:28

Ka vido te eni teu mare cheke igne, keha maedi Midian ne mei ne filoni mae Josep ka khora na. Hatimare ne mei korho fajiflani mae Josep ka khora na ne snakre lao ni mana ka hatimare mae vikegna mae Ismael mala foli mare mala nodi mae gloku. Mare ne folini mae Josep ka maedi Midian gre. Varadaki silva ne hatani mana ne tei Ijep.

Jenesis 37:36

Hatimare maedi Midian ra hatani mae Josep ne tei Ijep. Hatimare hatani mae Josep ne tei ka mae Potifa mala foli mana mala kaisei nogna mae gloku mana. Mae Potifa gne kaisei nogna ofisa mae king gna Ijep, nei mana kaisei nodi kapten hatimare mae soldia te mala reireghigna nogna suga biꞌo mae king gna Ijep na.

Jenesis 37:25

Ke leghugna tela koko sorunihi mae Josep ka khora na, mare gnokro soru ne ghamu. Kate ghamu teu mare na, mare ne filodi vikegna mae Ismael re ne mei funudi Gilead mala tei Ijep. Nodi kamel re fodu ka wit nei meresin nei sedi mala ghiha ka thini eghu. Glepo igre mala tei sabiri ka kantri Ijep.

Mae Khuru 7:9

“Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Jenesis 45:4

Aonu mae Josep ne cheke eghu ka mare, “Mei si ghotilo rhegu iara agne.” Kate lao mare te namo ka mana na, mana ne cheke eghu ka mare, “Iara mae Josep ngala. Iara thofno mae thabusimi ghotilo. Ghotilo tifa na neke snakre ghau iara ka mae bisnis ra neke foli ghau iara neke hata mei ghau iara agne Ijep mala kaisei nodi mae gloku mare.

Jenesis 40:3

Aonu mana ne fasosolodi phia mare ka sugagna mae kapten di hatimare mae soldia te mala reireghigna nogna suga mae king na. Ka suga igne te fasosoloni mare mae Josep na.