Jenesis 38:9 - Buka Blahi Ka Cheke Holo

⁹ Nu mae Onan ne theome magnahagheni u vetula igne, naugna mana magnahaghei te au thugna thegna. Nu kate thuru balugna gaꞌase igne na, mana ne totofa kolho kholognare ka glose na, mala theome tangomana te au sua malagna mae tighagna na.

Jenesis 38:9 ပူးပေါင်းရင်းမြစ်များ

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Jemes 3:16

Jame kaisei mae goghotu nei ghathoni thegna teu kolho na. Mana ginauna na edi kmana glepo te diꞌa, nei na edi puhi biꞌo eghu ranghidi keha naiknore.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Thoutonu Eigna Rut 4:10

Eghuteuna Rut, thaugna Moab teke lehe kokoni mae Malon ia kela khetogu hi iara gognaro na, mala ke au sua Rut ke au nanghagna mana mala ke atha kasa teke nogna vido glose mana re. Eghume nanghagna mae ihei teke lehehia ginauna na theome luvu ka tathadi mae kheragnare, ba ka tathada tahati te hui kau namono igne. Ghotilo te gnafa na mae igre la filonihi unha te eni iara gognaro gne.”

Diutronomi 25:6

Mae sua nalhaꞌu teke kulu karha ka repa na, igne thofno thugna mae teke lehe ia, eghuteuna nanghagna na ke fangangha ka mae teke lehe na. Ka puhi igne nanghagna mae teke lehe na theome tangomana te gnafa ke lamnadi naiknodi Israel.

Thoutonu Eigna Rut 1:11

Nu Naomi ne cheke eghu ka repa, “Theo, theome raꞌe keli jame te mei ghopa balugu iara na. Te keli na ghopa ke figri, naugna iara gne na theome tangomanahi nate ke au sua nalhaꞌu mala teke tolaghi ghopa na.

Jenesis 38:10

Puhi te eni mae Onan igne ne thofno jafra fara ka tathagna Lord na, nu Lord ne jaola ne faleheni mana.

Diutronomi 25:5

Mae Moses ne cheke eghu, “Jame phei mae thabusigna au fodu, eghuteuna kaisei ka phei mae igre lehe, nu mana theo thugna nalhaꞌu. Jame te eghu na, khetogna mana teke lehe kokoi igne thosei tolaghi ka keha tharaknai. Thabusigna mae te lehe igne mala ke tolaghi ka naꞌa.