Jenesis 38:7 - Buka Blahi Ka Cheke Holo

⁷ Nu puhigna mae Er igne thofno diꞌa fara ka tathagna Lord na, aonu Lord ne fate faleheni mana.

Jenesis 38:7 ပူးပေါင်းရင်းမြစ်များ

Ululahu Kronikols 2:3

Mae Juda neke au glima thugna nalhaꞌu. Mana neke tolaghi ka Batsua gaꞌase gna Kenan ne au thilo thugna nalhaꞌu igre: mae Era, mae Onan, nei mae Sela. Mae Era thugna ululahu mae Juda igne ne edi kmana glepo te thono diꞌa fara ka tathagna Lord na, aonu Lord diꞌatagna ne faleheni mana.

Jenesis 46:12

Keha na mae Juda baludi thugnare, nanghadire mae Er nei mae Onan nei mae Sela nei mae Peres nei mae Sera. Nu mae Er ghe mae Onan gre phia mare neke lehe kani au teku mare Kenan na. Eghuteuna thugna nalhaꞌu mae Peres re neke mae Hesron ghe mae Hamul.

Naba 26:19

Ka vikegna mae Juda na, ne au mei tharakna gna mae Sela, tharakna gna mae Peres, tharakna gna mae Sera. Nu ka tharakna gna mae Peres na, ne au mei phei tharakna ikodi la ngau, tharakna gna mae Hesron nei tharakna gna mae Hamul eghu. Eghuteuna khaputudi mae nalhaꞌu ka tharakna igre ne thokeni fitusalei namno thogha glima gobi. Tifa na, mae Juda neke au phei thugna, mae Era ghe mae Onan nu phiamare neke lehe jare Kenan. Nu phiamare neke theo thudi kolho.

Jenesis 19:13

Naugna ghepa ginauna na roꞌeni namono igne. Lord la nomhidihi thua nafnata puhi te diꞌa fara te edi ka namono igne re, eghume mana neke kuru mei ghami ghepa mala roꞌeni namono igne.”

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Jenesis 6:8

Nu Lord ne keli tagna fara ka mae Noa.

Jenesis 38:6

Ka vido tela biꞌohi mae thugna nalhaꞌu re, mae Juda ne vavahi kaisei gaꞌase mala khetogna mae Er, mae thugna ulu lahu na. Nanghagna gaꞌase teke vavahi mana igne Tama.

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Ululahu Kings 17:20

eghuteuna mana ne tarai heta eghu, “Lord nogu God, naikno biꞌo igne reireghi fakeli ghau iara. Naugna unha sagho te eni puhi biꞌo ka naikno biꞌo ignea? Naꞌa snakre ghau iara mala au agne, aonu iagho lisa lao ne lehe thugna na.”