Jenesis 38:24 - Buka Blahi Ka Cheke Holo

²⁴ Jame naba thilo nhigra ke leghugna igne, mare ne mei cheke eghu ka mae Juda, “Nanghomu iagho Tama ia la jafrahi ka puhi te diꞌa na ne jateula ngau thau vine neu ne thuru balugna kaisei mae, eghuteuna naꞌa gognaro na la buklahi eghu.” Mae Juda ne cheke faheta eghu fara, “Hata mei gaꞌase tuana mala koko lao ka khaꞌaghi mala lehe na.”

Jenesis 38:24 ပူးပေါင်းရင်းမြစ်များ

Levitikas 21:9

“Eghuteuna jame thugna gaꞌase kaisei mae pris fathonani thegna ka puhi vine, naꞌa famamajani kmagna na, eghuteuna ghotilo mala gnubrani naꞌa ka khaꞌaghi mala ghilei lehe naꞌa.

Profet Esikiel 23:44

Eghume leuleghu fata na mae igre thuru baludi Ohola ghe Oholiba, jateula te thuru baludi keha gaꞌase vine ra eghu.

Profet Esikiel 23:19

Nu puhigna naꞌa te jateula thau vine teu igne la diꞌa la tei salaꞌuni narane kani gaꞌase majaghani au teku Ijep ia.

Profet Esikiel 23:5

“Neuba Ohola ne khetogu iara, nu naꞌa tei koba baludi mae nalhaꞌudi Asiria, mae iheire te magnahaghedi fara naꞌare.

Jajis 19:2

Kaisei fata, gaꞌase igne ei puhi diꞌa balugna kaisei mae, aonu naꞌa rikha neke pulo ka kmagna na Betlehem, eghuteuna naꞌa ne au ka namono igne fati nhigra.

Letas Teke Riso Tei Mae Pol Ka Khiloau Rom 14:22

Nou fatutuani iagho eidi gano igre khogla farihoteimu iagho themu nei God eghu kolho. Eghuteuna ihei te eni unha te ghathoni mana ne doglo nei theome diꞌanagnafa ka igne teuna, mana ginauna gleale'a fara.

Profet Hosia 4:15

“Ghotilo naiknomi Israel, ghotilo jateula gaꞌase vine eghu tei koko ghau iara. Nu ghotilo naiknomi Juda ra, ghotilo thosei leghudi nafnata puhi te diꞌa te edi naiknodi Israel igre. “Ghotilo thosei tei ka namono Gilgal, ba Bet-Aven mala tei tarai ka mumuju, ba tei mala nhaꞌa cheke ka nanghagu iara mae ihei te karha te tifa.

Profet Hosia 3:3

Aonu iara neke cheke eghu ka naꞌa, “Iagho khetogu iara, nu iara theome tangomana te thuru balumu iagho gognarona. Iagho na ofo ghau iara kmana narane mala koko iagho nafnata puhi te diꞌa te jateula thau vine teu te tei koba baludi keha nalhaꞌui are. Ka narane igre iagho mala thosei tei thuru balugna kaisei mae delei.”

Profet Esikiel 16:41

Mare ginauna gnubra nou suga iagho re, eghuteuna iara ginauna para nigho iagho ke uludi tathadi keha gaꞌase te loku fodu mei. Iara ginauna lhoti nigho iagho mala thosei ke eni puhi vine na, eghuteuna iagho thosei ke folidi mae nalhaꞌu te thuru balumu re.

Profet Esikiel 16:28

Iagho tapla jafra fabrahu koba baludi mae nalhaꞌu igre, nu iagho theome haimidi kolho jateula te theome totokhei teura eghu kolho ka iagho. Eghume, iagho theome gnafa te leghudi tafri mae nalhaꞌudi Asiria. Mae igre thuru balumu iagho koba, nu iagho haimini jateula te theome naba nga teura eghu ka iagho.

Profet Esikiel 16:15

“ ‘Nu iagho hata puhi te mala famane fara filomu na eghuteuna mae nalhaꞌure neke lase fakeli nigho iagho, te mala jateula thau vine teuna. Iagho mala thuru fodu kolho balugna kaisei mae ihei te mei ka iagho na, iagho mala jateula khotogna eghu mana.

Profet Jeremaea 3:8

Maedi Israel igre huhughuni puhigna tholaghi na ne tolaghi pedo. Aonu iara ne rioriso kaisei pepa te mala klisu tholaghi igne. Eghuteuna iara ne tusu lao ka naꞌa pepa igne ne khi teini naꞌa. Eghuteuna greghagna naꞌa mae Juda igne ne filoni igne, nu neuba, naꞌa theome mhaghu ne tirogna au balugu iara kolho. Iara jaola ne filo tathagu te tei tafri naꞌa te eni puhi vine na.

Profet Jeremaea 3:6

Ka narane teke funei mae king Josaea ka kantri Juda igre, Lord neke cheke eghu ka iara, “Jeremaea, iagho la filodihi thua nafnata puhi te diꞌa te edi naiknodi Israel igre? Mae igre theome tajini nodi nhaꞌa cheke teke eni mare ka iara na, nei mare jaola tei koko ghau iara. Naikno igre tei tarai tafri ke kligna thogele te gnafa nei ke pari gaju jateula mae ihei te tolaghi pedo ra eghu.

Profet Jeremaea 3:1

Lord ne cheke eghu, “Jame kaisei mae koko khetogna na, eghuteuna gaꞌase te koko mana igne ke tei tolaghi ka keha mae delei ngau. Ba, mae igne na faꞌunha? Mae igne tangomana na teke atha fapulo gaꞌase igne? Theo, naugna jame te eghu na, mana ginauna goigoni glose igne ka tathagu iara na. Nu ghotilo te tei koko ghau iara igne, ghotilo jateula gaꞌase vine te tei eni puhi te diꞌa na ka keha maei ra eghu. Eghume faꞌunha eghu jame teke pulo mei ghotilo ka iara na?

Profet Jeremaea 2:20

Lord ne cheke eghu, “Funu tifa te mei na, iara neke tei koko ghami ghotilo, eigna nakarha te diꞌa te eni ghotilo igne jateula naikno sneka eghu. Nu ghotilo tiromi te loku ranghi ghau iara na. Ghotilo tei koko ghauhi iara, eghuteuna gognarona ghotilo tarai tafri kolho ka keha god te chaichaghi igre ke kligna thogele nei ke pari gaju. Ghotilo jateula gaꞌase vine te tei kokoni khetogna na ia eghu.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Fapea Samuel 12:7

Aonu, mae Natan ne cheke eghu ka mae Devet, “Iagho ngala mae te dedei igne! Eghume, Lord noda God tahati maeda Israel igne ne cheke eghu ka iagho, ‘Iara neke vahi nigho iagho mala king gna Israel, eghuteuna iara neke theome snakreni mae Sol mala falehe nigho iagho.

Fapea Samuel 12:5

Kate nomhini thoutonu igne, mae Devet ne thono diꞌatagna fara ka mae te dedei igne. Aonu mana ne cheke eghu ka mae Natan, “Ka nanghagna Lord, iara cheke kate tutuani fara ka iagho, mae dedei te eni igne nabagna te lehe.

Diutronomi 24:16

“Jame kaisei sua huhughuni vetula na eghuteuna nabagna te lehe na, ghotilo thosei faleheni mae kmagna na. Eghuteuna jame kaisei mae huhughuni vetula te nabagna te lehe na, ghotilo ginauna thosei faleheni thugna mana na. Naikno na tangomana te lehe eigna nakhibo gna thegna na.

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Jenesis 34:31

Aonu phia mare ne cheke eghu, “Unha te eni ghehati igne glepo keli kolho naugna ghehati theome tangomana te snakre ni gregami na ka mana te mala jateula kaisei thau vine teuna.”

Jenesis 20:9

Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Jenesis 20:3

Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jenesis 38:23

Mae Juda ne cheke eghu ka mae Hira, “Ghema, lisa lao ka naꞌa mala hatau naꞌa glepo tuare, eigna iagho ne theome filoni naꞌa. Na eghunu maꞌe ghita naikno gre eghu. Iara neke leghuni nogu nhaꞌa cheke na neke kuru tei nigho iagho neke hata neke tei sua nanigot majaghani igne ka naꞌa, nu iagho ne theome filoni naꞌa jare.”

Profet Esikiel 16:25

Ka geri nabrou te gnafa igre, iagho neke ei namono mala edi nou glokure jateula vine eghu. Neuba iara ne togho nigho mala famane keli fara iagho filomu na neu, nu iagho goigoni nigho themu kolho ka puhi te tothora phei ghahemu are mala maladi mae iheire te gnafa te tei salaꞌu leghu nabrou are, mala mei thuru balumu iagho.

Profet Esikiel 16:26

Iagho snakredi koba maedi Ijep te thono magnahaghei gaꞌase fara te mei thuru balumu. Puhimu iagho te diꞌa igre te thono diꞌatagu fara iara re.