Jenesis 38:19 - Buka Blahi Ka Cheke Holo

¹⁹ Ke leghugna tela gnafahi te thuru balugna mae Juda na, Tama kegra haghe neke pulo ka sugagna na ne hata koko vido pohe teke toku tafrudi tathagna nei foflogna teure neke fahaghe pohe malagna diꞌanagnafa eigna khetogna tekela lehehi na.

Jenesis 38:19 ပူးပေါင်းရင်းမြစ်များ

Jenesis 38:14

Tama laseni mae Sela gne la biꞌo hi, nu mare theome faghose fadogloni groghe te mala tolaghi naꞌa ka mae Sela na. Aonu naꞌa ne hata koko u pohe teke fahaghe naꞌa na leghuni nodi kastom thedi eigna teke lehehi khetogna na ne hata kaisei vido pohe ne toku tafru tathagna nei foflogna teure ne tei gnokro ka foflogna nabrou te mala tei thoke ka namono Enaim na. Igne kaisei vido ka nabrou te mala tei thoke Timna.

Fapea Samuel 14:5

King ne cheke eghu, “Unha puhi sia?” Aonu naikno biꞌo igne ne cheke eghu ka mana, “Uve, khetogu iara na la lehehi, eghuteuna iara gognarona kaisei naikno glehe kokoi kolho.

Fapea Samuel 14:2

Aonu mana ne fatei cheke ka namono Tekoa mala hata mei kaisei naikno biꞌo. Naikno biꞌo igne fnakno fara eigna naꞌa autagna keha famane gaoghatho te keli. Kate posa mei naikno biꞌo igne, mae Joab ne cheke eghu ka naꞌa, “Iara magnahaghei nigho iagho te jateula te diꞌanagnafa nei tanhi teu iagho ka kaisei naikno te lehe ia eghu. Iagho ginauna pipichi pohe mala giugilu ra, eghuteuna iagho thosei ghiha oel ka khaklamu nei thinimu teu are. Iagho mala jateula gaꞌase te tanhi kmana narane eigna kaisei naikno te lehe ia eghu.

Jenesis 38:18

Mae Juda ne ghusna eghu ka naꞌa, “Unha glepo gne te magnahagheni iagho jame te mala tusu ari iara ka iagho te mala jateula fagaglagna teu u nogu nhaꞌa cheke iara igne na?” Gaꞌase na ne cheke eghu ka mana, “Tusu mei ka iara medol te babaꞌo teu iagho te au nanghamu iagho ana nei khodo te louloku teu iagho ana eghu.” Aonu mae Juda ne tusu lao ka Tama glepo igre ne thuru balugna naꞌa, eghuteuna Tama ne bukla.

Jenesis 38:20

Mae Juda ne tusu lao kaisei sua nanigot majaghani ka mae Hira ne kuru teini mana mala ke hata fapulo glepo teke tusu lao ka gaꞌase ra. Nu mae Hira ne theome filoni gaꞌase igne.