Jenesis 38:16 - Buka Blahi Ka Cheke Holo

¹⁶ Aonu mae Juda ne lao ka naꞌa ne cheke eghu, “Iara magnahaghei te thuru balumu iagho.” Mana theome laseni ne thofno nanghogna thegna na ngala teuna. Gaꞌase na ne cheke eghu ka mana, “Uve, te mala thuru balugu iara teu iagho na, unha glepo gne nate kulu tusu mei iagho ka iara na?”

Jenesis 38:16 ပူးပေါင်းရင်းမြစ်များ

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Matiu 26:15

Mae Judas ne cheke eghu ka mare, “Jame te snakre arini iara mae Jisas gne ka ghotilo na, niha sileni nate foli ghau iara ghotilo na?” Mare ne tusu ranghini mae Judas tolufulu sileni.

Fapea Samuel 13:11

Nu kate mei namo Tama baludi bret igre ka mana na, mana loku famaku ka Tama ne cheke eghu, “Greghaguo! Iagho mei thuru balugu iara!”

Profet Esikiel 16:33

Mare foli keha vine mala thuru baludi, nu iagho folidi mae iheire te mei thuru balumu re! Iagho tusu lao namha ka mae te mei ka iagho igre, malagna teke mei kehai funudi ka namono te gnafa lithuimu iagho igre.

Diutronomi 23:18

Thosei hata mei kaisei sileni jateula fafara teke nhaꞌa chekeni ka Lord nomi God na eghu, glahu neke hata mana sileni igne ka nogna gloku vine nalhaꞌu ba gaꞌase. Lord thofno tirognadi fara phei nafnata vinegna vido blahi na.

Jenesis 38:15

Mae Juda ne leghuni u nabrou igne ne mei filoni gaꞌase igne. Kate filoni naꞌa na mana ne kaisei gaꞌase vine neu nogna ni, naugna naꞌa ne toku tafru tathagna nei foflogna teure ka vido pohe ikoi.

Jenesis 38:17

Mae Juda ne cheke eghu ka naꞌa, “Iara au kmana nogu nanigot, eghume iara ginauna na tusu ari kaisei sua nanigot majaghani ka iagho.” Eghuteuna gaꞌase na ne cheke eghu ka mana, “Keli fara nu ulu lahu na iagho na kulu tusu mei kaisei glepo ka iara, fagaglanagna u nou nhaꞌa cheke iagho tuana, eghuteuna iara ginauna nake tusu fapulo ka iagho kate tusu meini iagho ka iara sua nanigot majaghani na.”