Jenesis 38:14 - Buka Blahi Ka Cheke Holo

¹⁴ Tama laseni mae Sela gne la biꞌo hi, nu mare theome faghose fadogloni groghe te mala tolaghi naꞌa ka mae Sela na. Aonu naꞌa ne hata koko u pohe teke fahaghe naꞌa na leghuni nodi kastom thedi eigna teke lehehi khetogna na ne hata kaisei vido pohe ne toku tafru tathagna nei foflogna teure ne tei gnokro ka foflogna nabrou te mala tei thoke ka namono Enaim na. Igne kaisei vido ka nabrou te mala tei thoke Timna.

Jenesis 38:14 ပူးပေါင်းရင်းမြစ်များ

Jenesis 38:26

Mae Juda ne filo glanidi glepo igre ne cheke eghu, “Gaꞌase igne theome jafra, iara nga te jafra na. Mae thugu iara Sela gne na tolaghi ka naꞌa. Naꞌa neke eni igne, naugna iara ne theome leghuni nogu nhaꞌa cheke na ne snakreni mae thugu Sela gne neke mala tolaghi ka naꞌa.” Eghuteuna funu ka narane igne mae Juda neke theome thuru balugna Tama.

Profet Jeremaea 3:2

Filo si ghotilo ka thogele te theome karha kaisei glepo tagna ana! Ghotilo tei tarai ka nomi god re ka thogele tuare, igne jateula mae ihei te lilisei khetogna na teke tolaghi ka keha gaꞌase delei ra eghu. Leuleghu fata na ghotilo poru ka geri nabrou mala lokidi iheire te mei salaꞌu jare na. Ghotilo jateula mae blau te poru ka vido te gou te mala atha poru nodi glepo naikno te salaꞌu ka vido tuana ra eghu. Ghotilo thofno goigoni glose igne ka puhimi te diꞌare.

Proveb 7:12

Naꞌa kegra ka nabrou, kegra ka sulukhu, kegra ka maket, ba heva heva.

Jenesis 24:65

Naꞌa ne ghusna eghu ka nogna mae gloku mae Ebraham na, “Ihei si nanghagna na mae te nolo te mei ka tahati ana ia?” Mae gloku na ne cheke eghu ka naꞌa, “Tuana ngala thugna nogu mae funei iara na.” Aonu Rebeka ne toku tafru tathagna nei foflogna teure ka pohe na.

Profet Esikiel 16:25

Ka geri nabrou te gnafa igre, iagho neke ei namono mala edi nou glokure jateula vine eghu. Neuba iara ne togho nigho mala famane keli fara iagho filomu na neu, nu iagho goigoni nigho themu kolho ka puhi te tothora phei ghahemu are mala maladi mae iheire te gnafa te tei salaꞌu leghu nabrou are, mala mei thuru balumu iagho.

Jenesis 38:15

Mae Juda ne leghuni u nabrou igne ne mei filoni gaꞌase igne. Kate filoni naꞌa na mana ne kaisei gaꞌase vine neu nogna ni, naugna naꞌa ne toku tafru tathagna nei foflogna teure ka vido pohe ikoi.

Proveb 7:10

Gaꞌase igne lalaoni jateula thau vine eghu. Naꞌa jifla mei ne thafoni mana ne cheke famaemaheni mana.

Jenesis 38:19

Ke leghugna tela gnafahi te thuru balugna mae Juda na, Tama kegra haghe neke pulo ka sugagna na ne hata koko vido pohe teke toku tafrudi tathagna nei foflogna teure neke fahaghe pohe malagna diꞌanagnafa eigna khetogna tekela lehehi na.