Jenesis 37:9 - Buka Blahi Ka Cheke Holo

⁹ Ke leghugna igne mae Josep neke fapea mifi. Mana ne jaola neke toutonu ka mae ke biꞌogna re eigna u mifi igne. Mana ne cheke eghu ka mare, “Iara neke filoni keha mifi na neke thakle mei ka iara, eghuteuna gognaro na naprai ghe glaba nei nabotho kaisei nathunu teure ne pogho soru ke ulugu iara.”

Jenesis 37:9 ပူးပေါင်းရင်းမြစ်များ

Jenesis 37:7

Kate au teu tahati ka nagare na tahati ne haru fodu wit re, eghuteuna u phala teke haru iara na ne kegra haghe ne kegra fadoglo. Eghuteuna nomi phala ghotilo te kegra faligohoni nogu phala iara na ne kafe pogho soru pha'udire pari ka nogu phala iara na.”

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Profet Daniel 8:10

Hona ikoi tuana thono nheta fara, eghuteuna mana ne magra ka armigna kligna na. Nathunu ba ka maloa klignare mana ne koko sorudi kolho pari ka nauthoglu igne ne tapla kolho ke klignadi.

Jenesis 47:12

Eghuteuna mae Josep ne fiofilo fakelidi kmagna, nei thabusigna, nei goro gaꞌase, nei goro sua eghu la ngau te au baludi re fei gano te mala ima na.

Jenesis 46:29

Mae Josep ne chekedi nogna mae gloku re mala tarabana nogna chariot na mala tei thafoni mae kmagna na Gosen. Kate filoni mae kmagna na mae Josep tei ne lokini mae kmagna na ne tanhi ne tanhi.

Jenesis 45:9

Gognaro na ghotilo faghose ke pulo ka mama mala cheke eghu ka mana, ‘Iara mae Josep iara mae thumu iagho, igne unha te chekeni iara ka iagho na. God neke fakegra funei ghau iara agne ka kantri Ijep. Eghume, iagho thosei ofo, faghosei mei ka iara agne.

Jenesis 44:19

Kani teke mei ghehati agne tifa ia, iagho neke ghusna eghu ka ghehati, ‘Ghotilo au mae kmami ba tahimi eghu, ba theo?’

Jenesis 44:14

Kate pulo mei mae Juda baludi mae tahigna re ka sugagna mae Josep na, mae Josep au neu ngala jare. Mare mhaghu nodi fara ne pogho soru pari ke ulugna mae Josep.

Jenesis 43:28

Mare ne cheke eghu ka mana, “Mae biꞌo, mae kmami ghehati na mana keliu ngala.” Eghuteuna mare neke fapea pogho sorui pari ke ulugna mana.

Jenesis 41:32

God neke fakakhana ari ka iagho phei mifi te kaisei nanaba ngala u gaoghathodire igre, naugna mana magnahaghei te falalase ka iagho unha teke ghathonihi mana nate thoke mei na. Eghuteuna mana neke jaola neke magnahaghei te falalase ari ka iagho glepo nate theome raugha nate thoke mei ginau igre.

Jenesis 41:25

Aonu mae Josep ne cheke eghu ka mae king, “Gaoghathodi phei nou mifi iagho are kaisei nanaba kolho. God na magnahaghei te fatakle ari ka iagho unha nate eni mana na.

Jenesis 37:10

Mana jaola ne toutonu ka mae kmagna na u mifi igne. Mae kmagna na ne theome magnahagheni u nafnata thoutonu te eni mana igne ne cheke eghu, “Unha nafnata mifi na site eni iagho ignea? Iara nei idomu gne nei mae thabusimu iagho igre teuna theome tangomana te pogho soru ke ulumu iagho na.”

Jenesis 37:8

Hatimare mae thabusigna mana igre ne nomhini igne ne cheke eghu ka mae Josep, “Ba, iagho magnahaghei te kegra haghe te mala kaisei nomi mae king ghehati mala funei fruni ghami ghehati sia!?” Hatimare mae thabusigna mana igre ne thofno diꞌatadi fara ka mae Josep eigna u mifi igne, nei eidi langau unha te chekedi mana re eghu.

Jenesis 20:3

Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Jenesis 43:26

Kate posa mei mae Josep ka suga na, mare ne tusu lao nodi namha re ka mana. Aonu mare ne pogho soru pari ke ulugna mana.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.