Jenesis 37:7 - Buka Blahi Ka Cheke Holo

⁷ Kate au teu tahati ka nagare na tahati ne haru fodu wit re, eghuteuna u phala teke haru iara na ne kegra haghe ne kegra fadoglo. Eghuteuna nomi phala ghotilo te kegra faligohoni nogu phala iara na ne kafe pogho soru pha'udire pari ka nogu phala iara na.”

Jenesis 37:7 ပူးပေါင်းရင်းမြစ်များ

Jenesis 44:14

Kate pulo mei mae Juda baludi mae tahigna re ka sugagna mae Josep na, mae Josep au neu ngala jare. Mare mhaghu nodi fara ne pogho soru pari ke ulugna mae Josep.

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Jenesis 43:26

Kate posa mei mae Josep ka suga na, mare ne tusu lao nodi namha re ka mana. Aonu mare ne pogho soru pari ke ulugna mana.

Jenesis 42:9

Gognaro mana neke ghatho fapuloni phei nogna mifi thegna tifa eidi mae thabusigna igre mala pogho soru ka mana teku na ne cheke eghu, “Ghotilo mae igre jau mei agne mala fasigho kolho ka namono igne sini. Ghotilo magnahaghei te mei te mala lase ghami ghehati te nheta ba te theome nheta na mala mei magra ka ghehati neku jau sini?”

Kolose 1:18

Mae Kraes ngala pha'ugna khiloau na, eghuteuna khiloau na jateula thinigna mana eghu, eghuteuna nakarhagna khiloau na mei funu ka mana. Mana ngala mae ulu lahu teke karha fapulo ka glehe na. Eghume mae Jisas ngala pha'udi gobigna lepo fateote'o re.

Filipae 2:10

Eghume naikno te gnafa te au kligna nei ka nauthoglu igne ba iheire te au ka namonodi naikno te lehere ginauna tuturupuku soru ka mana.

Jenesis 44:19

Kani teke mei ghehati agne tifa ia, iagho neke ghusna eghu ka ghehati, ‘Ghotilo au mae kmami ba tahimi eghu, ba theo?’

Jenesis 27:29

Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Jenesis 37:6

Mae Josep ne cheke eghu ka mare, “Fanomho ghotilo ia ka nogu mifi iara gne.

Jenesis 43:28

Mare ne cheke eghu ka mana, “Mae biꞌo, mae kmami ghehati na mana keliu ngala.” Eghuteuna mare neke fapea pogho sorui pari ke ulugna mana.

Jenesis 44:18

Aonu mae Juda lao ne kegra rhegna mae Josep ne cheke eghu ka mana, “Mae biꞌo, those diꞌatamu ka iara. Iara magnahaghei te famane facheke ka iagho naugna iagho kaisei mae nolaghi fara, jateula mae king gna Ijep thegna eghu.

Jenesis 50:18

Eghuteuna mare tei ka mae Josep ne pogho soru ke ulugna mana. Mare ne cheke eghu ka mana, “Ghehati gne mala nou mae gloku iagho kolho.”