Jenesis 37:35 - Buka Blahi Ka Cheke Holo

³⁵ Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Jenesis 37:35 ပူးပေါင်းရင်းမြစ်များ

Thoutonu Eigna Mae Job 2:11

Thilo kheragna Job re igre, mae Elifas gna namono Teman, mae Bildad gna namono Sua, nei mae Sofa gna namono Nama. Kate nomhini thilomare eigna puhi te thokeni Job igne, mare ghaoghatho mala tei diꞌanagnafa balugna mana, nei farerheta gaoghathogna mana na.

Fapea Samuel 12:17

Goro mae biꞌo te au ka suga mana na, mare mei fariu riu fakegra hagheni mana, nu mana ne tirogna fara. Eghuteuna mana jaola ne tirogna te ghamu baludi mare na.

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Profet Jeremaea 31:15

Lord ne cheke eghu, “Kaisei naogla ne nomhi laoni namono Rama. Naogla natanhi nei khoje diꞌanagnafa. Resel tanhidi thugnare. Eghuteuna ninhigrana ranghini kaisei naikno te fameomegoni naꞌa na, naugna ne dofidi thugnare.”

Nodi Khoje Hatimare Mae Jiu 77:2

Kate thoke ghau puhi na iara tarai ka noda Lord. Funu grafi posa hamerane, iara ngafa haghe fabrahu khamegure ka tharai. Neuba, gaoghatho gu iara na theome nheta kolho.

Jenesis 45:28

Aonu mae Jekop ne cheke eghu ka mae thugnare, “Tutuani fara, gognaro na iara kela fatutuani ghami ghotilo. Mae thugu iara Josep na mana karhau ngala gognaro na. Iara ginauna na tei mala filoni ngala mana ka tathagu na ame lehe nga iara eghu!”

Jenesis 42:31

Nu ghehati ne cheke eghu ka mana, ‘Ghehati gne mae mala cheke kate tutuani. Ghehati theome mae mala fasigho.

Jenesis 31:43

Mae Laban ne cheke eghu ka mae Jekop, “Phei gaꞌase igre thugu iara, eghuteuna thudi repa igre jaola gragu iara, eghuteuna sipu nei nanigot teu igre jaola nogu iara. Glepo te gnafa te filodi iagho igre nogu iara. Nu iara theome tangomana te eni kaisei glepo te tathaji teu phei thugu gaꞌase nei gragu teu igre.

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Jenesis 35:29

Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Fapea Samuel 12:23

Nu gognarona mana la lehehi, naugna unha gne te mala theome ghamuni iara na? Iara theome tangomana teke fakarha fapuloni mana na? Theo. Kaisei narane, iara ginauna na jaola tei ka vido aheva te tei mana na. Nu mana theome tangomana na teke pulo mei ka iara na.”

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Jenesis 48:11

Eghuteuna mana ne cheke eghu ka mae Josep, “Iara gaoghathogu na jauna nake theome filo nigho hi neu sia. Nu gognaro na God neke snakre ghau iara mala ke filo nigho baludi phei mae thumu gre.”

Fapea Samuel 19:1

Keha mae tei ne toutonu ka mae Joab te diꞌanagnafa King Devet te tanhi ni mae Absalom mae thugna na.

Ululahu Kronikols 7:22

Ka narane igre mae Ifreim ne diꞌanagnafa gna fara kmana narane. Eghuteuna kheragna mana re jaola ne mei ne diꞌanagnafa balugna mana balu fameomegoni mana.

Nodi Khoje Hatimare Mae Jiu 77:3

Kate ghatho laoni iara God na iara ne tanhi, eghuteuna gaoghathogu iara na ne thono glaꞌe fara.