Jenesis 37:34 - Buka Blahi Ka Cheke Holo

³⁴ Mae Jekop ne tanhini mae thugna na ne rerheku nogna pohe na, eghuteuna mana ne hata kaisei nabreku pohe te tiatifa ne pipichi, igne fagaglana gna te diꞌanagnafani mae thugna na. Kmana narane mana ne tanhi ni mae thugna na.

Jenesis 37:34 ပူးပေါင်းရင်းမြစ်များ

Jenesis 37:29

Ke leghugna igne mae Ruben teke theome au jare ka vido tuana neke tei neke efra ka khora na. Kate dofini mae Josep jare na, mana ne diꞌanagnafagna fara ne rerheku nogna pohe na.

Fapea Samuel 3:31

Aonu mae Devet ne cheke eghu ka mae Joab, nei ka vikegna te gnafa manare, “Ghotilo rerheku nomi pohe are, eghuteuna ghotilo pipichi ka pohe te thona kolho, fagaglana gna nomi diꞌanagnafa na. Eghuteuna ghotilo tanhi balu diꞌanagnafa eigna mae Abna.” Eghuteuna kate pala te tei mare thinigna mae Abna igne te mala giugilui na, king thegna ne tei ke leghugna thinigna mae Abna.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Mae Khuru 14:14

Nu kate laseni mae Pol ghe mae Banabas unha te magnahaghei eni mare na, phiamare ne rerheku nodi pohere balu diꞌa tadi, ne chari ne tei farihoteidi naiknore balu eha fabiꞌo ne cheke eghu,

Matiu 26:65

Kate nomhini igne, mae pris biꞌo na ne rerheku nogna phoko na, naugna mana diꞌatagna fara. Aonu mana ne eha eghu fabiꞌo, “Tore! Mae igne cheke faparini God! Gognarona tahati theome magnahaghei keha thoutonui eigna mana. Naugna ghotilo nomhinihi themi mana cheke faparini God.

Matiu 11:21

Mana ne cheke eghu, “Puhi biꞌo ka ghotilo naiknomi ka namono Koresin! Puhi biꞌo ka ghotilo naiknomi ka namono Betsaeda! Naugna ghotilo ne tiromi leghuni chekegna God. Kofubobhoi te edi iara ka ghotilo ra, jame edi ka namonodi mae bongihehe Taea ghe Sidon gre meuna, mare jame gnokrohi pari balu pohe thapa nei ghiha nakrofuhi eghu ka thinidire, fagaglana gna tela tughu nagnafahi nei koko nakhibohi teuna.

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Profet Jeremaea 36:24

Kate nomhidi mae king cheke igre, baludi nogna mae biꞌo re, mana jaola theome mhaghu, nei jaola theome rerheku nogna pohe na neu, fagaglana gna nogna diꞌanagnafa na.

Profet Isaia 36:22

Aonu kate nomhidi nogna cheke mae komanda gna Asiria na igre, mae Eliakim, mae Sebna nei mae Joa eghu ne thono fadiꞌa nagnafadi fara ne rerheku nodi pohere. Aonu thilo mare tei ne toutonu ka king gobigna lepo te chekedi mae komanda gna Asiria na igre.

Profet Isaia 32:11

Ghotilo goro gaꞌase te au fakeli gognaro igre ginauna mhaghu nomi nei nanga nomi eghu. Eghuteuna ghotilo ginauna koko nomi famane pohe are mala pipichi ka pohe te thona mala tanhi nei diꞌanagnafa eghu.

Nodi Khoje Hatimare Mae Jiu 69:11

Kate pipichi iara pohe te thonare, fagaglana eigna te diꞌanagnafa iara na, mare maꞌe ghau iara.

Thoutonu Eigna Mae Job 2:12

Kate au teu delei te filo teini mae Job na, mare ne theome filo glani mana. Aonu mare ne funu tanhi fabiꞌo, mare rerheku nodi pohere, eghuteuna ghiha nakrofu ka phaꞌudire naugna mare ne thofno diꞌa nagnafadi fara ka mana.

Thoutonu Eigna Mae Job 1:20

Job kegra haghe ne rerheku nogna pohe na, eghuteuna kuchi koko khaklagna re naugna mana ne diꞌa nagnafagna fara. Mana thuru soru pari tathagna nei foflogna teure ka glose na ne cheke fakelini Lord.

Nehemaea 9:1

Ka varadaki fati narane ka nhigra tuanala, naiknodi Israel igre khapru mala theome ghamu, nei pipichi ka pohe thona, nei ghiha nakrofu ka phaꞌudi re eghu, fagaglana gna te diꞌanagnafa eidi nakhibodi re.

Ululahu Kronikols 21:16

King Devet ne filoni Engel nogna Lord na kegra neu farihotei maloa ghe nauthoglu, eghuteuna mana louloku kaisei naflahi ka khamegna na tarabana mala goigonini Jerusalem. Eghuteuna mae Devet nei hatimare mae lida pogho soru pari ne tei posa ka glosero pari. Ka narane tuana mare ne pipichi ka pohe diꞌanagnafa, fagaglanagna nodi diꞌanagnafa na.

Fapea Kings 19:1

Kate nomhini King Hesekaea nodi ripot mare igne, mana diꞌanagnafa gna fara ne rerheku nogna pohe na. Mana pipichi ka pohe thona ne tei ka nogna Sugablahi Lord na.

Ululahu Kings 21:27

Kate nomhini King Ehab nogna cheke mae Profet Elija igre, mana diꞌanagnafa gna fara ne rerheku nogna pohe na. Eghuteuna mana ne pipichi kolho ka pohe te thona kolho. Mana tirogna ghamu ne nolo tafri balu diꞌanagnafa.

Ululahu Kings 20:31

Aonu nogna mae biꞌo mana re ne cheke eghu, “Unha te nomhini ghehati na, king di Israel re thofno keli fara. Te keli na iagho snakre ghami ghehati mala pipichi pohe thona kolho, eghuteuna ghehati haru gnarho ka grarami gre, fagaglana gna nomi diꞌanagnafa na. Aonu ghehati ginauna tei filoni king gna Israel mala laseni mana te au ghehati ke parigna nogna nolaghi mana na, mala theome falehe nigho mana.”

Fapea Samuel 1:11

Mae Devet nomhini igne ne diꞌanagnafa gna fara, ne rerheku nogna pohe na. Mae te gnafa te au balugna mana igre jaola ne eni igne.

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Jenesis 44:13

Kate filoni mare kapu na, mare ne rerheku nodi pohe re, fagaglana gna nodi diꞌanagnafa na. Aonu mare neke lilisei haghe nodi duku re ka nodi dongki re neke pulo ka namono na.

Fapea Kings 2:12

Mae Elisa ne filoni mae Elija te tei na ne eha eghu, “Mama! Mama! Iara filodi chariot nei maedi Israel te saghe ka hose!” Kate haghehi mae Elija kligna na, mae Elisa ne diꞌanagnafagna fara ne rerheku nogna pohe na.

Fapea Kings 22:11

Kate nomhidi king cheke te au ka Buka Vetula na igre, mana diꞌanagnafa gna ne rerheku nogna pohe na.

Ululahu Kronikols 7:22

Ka narane igre mae Ifreim ne diꞌanagnafa gna fara kmana narane. Eghuteuna kheragna mana re jaola ne mei ne diꞌanagnafa balugna mana balu fameomegoni mana.

Thoutonu Eigna Mae Job 16:15

“Iara diꞌanagnafagu fara eghume iara pipichi ka pohe thona, eghuteuna iara gnokro pari lamna nakrofu balu tanhi fagaglanagna nogu diꞌanagnafa na.

Profet Jeremaea 48:37

Mare kuchi phaꞌudire, ghoighori gremohodire, kusu geghesudire, eghuteuna pipichi pohe thona fagaglana eigna nodi diꞌanagnafa nei natanhi teuna.

Jajis 11:35

Kate filoni thugna na, Jefta thofno diꞌanagnafa fara ne rerheku nogna pohe na tanhi ne cheke eghu, “Thuguo, iara diꞌanagnafagu fara ka iagho! Puhi igne goigoni ghau iara fara! Naugna iara neke enihi kaisei baubahu ka Lord te theome tangomana iara te lopini!”