Jenesis 37:33 - Buka Blahi Ka Cheke Holo

³³ Mae kmadi na ne filo glani pohe igne ne cheke eghu, “Uve, igne ngala nogna pohe mae thugu iara Josep ia! Kaisei lion la faleheni mana la ghamuni hi mana!”

Jenesis 37:33 ပူးပေါင်းရင်းမြစ်များ

Jenesis 44:28

Kaisei ne dofini ne theome ke filoni iara. Jau kaisei lion neke faleheni mana.

Jenesis 37:20

Mei ghotilo, mala falelehe nodani mae igne mala koko lao nodani thinigna mae tuana ka kaisei khora ka igre eghu. Ke leghu na tahati ginauna na cheke eghu ka mae mama, ‘Kaisei bosu mhata ne ghamuni mana.’ Aonu tahati na laseni ne faꞌunha teuna ka nogna mifi mana igne.”

Jone 13:7

Mae Jisas ne cheke eghu ka mana, “Iagho theome laseni unha te eni iara gognarona. Nu iagho ginauna laseniu thogheiro na.”

Proveb 14:15

Naikno te iho na, ginauna fiti fatutuanidi kolho unha te nomhire. Nu naikno te lalase na, ginauna ghatho fakelini puhi te mala leghuni na.

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Ululahu Kings 13:24

Kate tei mana na, kaisei lion mei ne thafoni mana ka nabrou na ne faleheni mana, eghuteuna thinigna mana na ne khoko soru ka nabrou na. Eghuteuna lion balugna dongki na kegra neu rhegna thinigna mana na.

Jenesis 37:32

Eghuteuna mare ne hata pohe na neke figri ka mae kmadi na ne cheke eghu ka mana, “Mama, ghehati ne filoni pohe igne ka kaisei vido. Filo sagho. Glahula me pohegna mae thumu iagho ia ngala igne.”

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Jenesis 44:20

Eghuteuna ghehati neke cheke eghu, ‘Uve, ghehati au kmami la khueku'ehi. Ghehati jaola au mae tahimi te iko lahu na eghu. Mana neke karha ka ido ka tela kueku'ehi mae mama na. Idomi ghehati igne neke au phei thugna nalhaꞌu, eghuteuna thofno mae thabusigna mae sitei igne, mana la lehehi. Kaisei mana ngala te au teu na, eghume mae mama na thofno magnahagheni fara mana eghu.’

Jenesis 48:11

Eghuteuna mana ne cheke eghu ka mae Josep, “Iara gaoghathogu na jauna nake theome filo nigho hi neu sia. Nu gognaro na God neke snakre ghau iara mala ke filo nigho baludi phei mae thumu gre.”