Jenesis 37:32 - Buka Blahi Ka Cheke Holo

³² Eghuteuna mare ne hata pohe na neke figri ka mae kmadi na ne cheke eghu ka mana, “Mama, ghehati ne filoni pohe igne ka kaisei vido. Filo sagho. Glahula me pohegna mae thumu iagho ia ngala igne.”

Jenesis 37:32 ပူးပေါင်းရင်းမြစ်များ

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’

Jenesis 37:3

Aonu mae Jekop ne namhani fara mae Josep ke tulaodi keha thugna re, naugna mae Josep gne neke karha ka vido tela kuekuꞌehi mana na. Eghuteuna mana ne hohoro kaisei fagano phoko te brahu khamegna re ne tusu lao ka mae Josep.

Jenesis 37:20

Mei ghotilo, mala falelehe nodani mae igne mala koko lao nodani thinigna mae tuana ka kaisei khora ka igre eghu. Ke leghu na tahati ginauna na cheke eghu ka mae mama, ‘Kaisei bosu mhata ne ghamuni mana.’ Aonu tahati na laseni ne faꞌunha teuna ka nogna mifi mana igne.”

Jenesis 37:31

Aonu hatimare mae thabusigna mana re ne tirodi cheke ka mana ne eni unha te ghathoni mare na ne falehe kaisei nanigot ne titihi nogna pohe mae Josep na ka dadaragna na.

Jenesis 37:33

Mae kmadi na ne filo glani pohe igne ne cheke eghu, “Uve, igne ngala nogna pohe mae thugu iara Josep ia! Kaisei lion la faleheni mana la ghamuni hi mana!”

Jenesis 38:25

Mare hatani Tama ne tei ka mae Juda baludi glepo teke tusu lao mana igre mala ke fapuphulo ka mana. Tama ne fatei cheke ka mae Juda, “Iara gne la buklahi ka mae ihei te khotodi glepo igre. Filo fakelidi glepo igre, kaisei medol te au nanghagna nei kaisei khodo eghu. Nogna ihei eghudi sagho glepo igrea?”