Jenesis 37:3 - Buka Blahi Ka Cheke Holo

³ Aonu mae Jekop ne namhani fara mae Josep ke tulaodi keha thugna re, naugna mae Josep gne neke karha ka vido tela kuekuꞌehi mana na. Eghuteuna mana ne hohoro kaisei fagano phoko te brahu khamegna re ne tusu lao ka mae Josep.

Jenesis 37:3 ပူးပေါင်းရင်းမြစ်များ

Fapea Samuel 13:18

Aonu mae igne hata fajiflani naꞌa kosi ne bobotho grengatha na. Ka narane igne, Tama pipichi kaisei famane pohe te mala pipichi kate tolaghi thugna gaꞌase king na.

Jenesis 37:32

Eghuteuna mare ne hata pohe na neke figri ka mae kmadi na ne cheke eghu ka mana, “Mama, ghehati ne filoni pohe igne ka kaisei vido. Filo sagho. Glahula me pohegna mae thumu iagho ia ngala igne.”

Jenesis 37:23

Aonu kate mei mae Josep ka mare na, mare lokini mana ne hata koko nogna phoko brahu mana na, nogna famane phoko teke tufa mae kmagna na.

Jone 3:35

God Mama ne namhani fara mae Thugna na ne tusu lao ka mana u nolaghi te mala funei frunidi gobigna lepore.

Profet Esikiel 16:16

Tore! Iagho hata keha nou famane pohe mala lalaoni nou vido blahi aheva iagho te mala tarai ka mumuju tagna na. Eghuteuna iagho na hata mae nalhaꞌu jare mala mei thuru balumu.

Jenesis 37:31

Aonu hatimare mae thabusigna mana re ne tirodi cheke ka mana ne eni unha te ghathoni mare na ne falehe kaisei nanigot ne titihi nogna pohe mae Josep na ka dadaragna na.