Jenesis 37:29 - Buka Blahi Ka Cheke Holo

²⁹ Ke leghugna igne mae Ruben teke theome au jare ka vido tuana neke tei neke efra ka khora na. Kate dofini mae Josep jare na, mana ne diꞌanagnafagna fara ne rerheku nogna pohe na.

Jenesis 37:29 ပူးပေါင်းရင်းမြစ်များ

Thoutonu Eigna Mae Job 1:20

Job kegra haghe ne rerheku nogna pohe na, eghuteuna kuchi koko khaklagna re naugna mana ne diꞌa nagnafagna fara. Mana thuru soru pari tathagna nei foflogna teure ka glose na ne cheke fakelini Lord.

Jenesis 37:34

Mae Jekop ne tanhini mae thugna na ne rerheku nogna pohe na, eghuteuna mana ne hata kaisei nabreku pohe te tiatifa ne pipichi, igne fagaglana gna te diꞌanagnafani mae thugna na. Kmana narane mana ne tanhi ni mae thugna na.

Naba 14:6

Nu mae Josua ghe mae Caleb teke tei filoni kantri Kenan, phiamare ne diꞌa nagnafadi ne rerheku nodi pohe thedire.

Jenesis 44:13

Kate filoni mare kapu na, mare ne rerheku nodi pohe re, fagaglana gna nodi diꞌanagnafa na. Aonu mare neke lilisei haghe nodi duku re ka nodi dongki re neke pulo ka namono na.

Mae Khuru 14:14

Nu kate laseni mae Pol ghe mae Banabas unha te magnahaghei eni mare na, phiamare ne rerheku nodi pohere balu diꞌa tadi, ne chari ne tei farihoteidi naiknore balu eha fabiꞌo ne cheke eghu,

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Fapea Kings 19:1

Kate nomhini King Hesekaea nodi ripot mare igne, mana diꞌanagnafa gna fara ne rerheku nogna pohe na. Mana pipichi ka pohe thona ne tei ka nogna Sugablahi Lord na.

Jajis 11:35

Kate filoni thugna na, Jefta thofno diꞌanagnafa fara ne rerheku nogna pohe na tanhi ne cheke eghu, “Thuguo, iara diꞌanagnafagu fara ka iagho! Puhi igne goigoni ghau iara fara! Naugna iara neke enihi kaisei baubahu ka Lord te theome tangomana iara te lopini!”

Jenesis 34:13

Hatimare mae thabusigna Daina gre ne thono diꞌa tadi fara ka mae Sekem eigna mana te eni puhi te diꞌa na ka gregadi na, ne cheke tughu chaichaghi ka mae Sekem ghe kmagna.

Fapea Samuel 1:11

Mae Devet nomhini igne ne diꞌanagnafa gna fara, ne rerheku nogna pohe na. Mae te gnafa te au balugna mana igre jaola ne eni igne.

Fapea Samuel 13:19

Fagaglanagna nogna diꞌanagnafa na, naꞌa ne ghiha nakrofu ka phaꞌugna na ne rerheku nogna famane pohe na. Aonu naꞌa ne loku fafru tathagnare ne tanhi fabiꞌo ne tei.

Fapea Kings 5:7

Kate iuꞌiju king gna Israel letas igne, mana diꞌatagna ne rerheku nogna pohe na. Mana ne cheke eghu, “Kaisei puhi biꞌo signe! King gna Siria gne na fagnafani iara fogra mana igne eghu ka gaoghathogna na, nu iara theome God. Iara theo nogu nolaghi te mala fakarhini ba te mala faleheni naikno na. Iara laseni, mana magnahaghei te hironi kaisei nabrou te mala magra ka iara na kolho.”

Fapea Kings 11:14

Jare naꞌa ne filoni mae king majaghani te kegra teu rhegna khegra biꞌo gna Sugablahi na. Igne nogna vido mala au mae king ka nodi kastom mare na. Hatimare mae komanda ne kegra faligohoni mana. Eghuteuna naiknore ne kelitadi fara ne kafe eha fabiꞌo balu kufli. Aonu Kuin Atalaea diꞌanagnafa gna fara ne rerheku nogna pohe na ne eha eghu, “Majora! Majora!”

Profet Jeremaea 36:24

Kate nomhidi mae king cheke igre, baludi nogna mae biꞌo re, mana jaola theome mhaghu, nei jaola theome rerheku nogna pohe na neu, fagaglana gna nogna diꞌanagnafa na.