Jenesis 37:28 - Buka Blahi Ka Cheke Holo

²⁸ Ka vido te eni teu mare cheke igne, keha maedi Midian ne mei ne filoni mae Josep ka khora na. Hatimare ne mei korho fajiflani mae Josep ka khora na ne snakre lao ni mana ka hatimare mae vikegna mae Ismael mala foli mare mala nodi mae gloku. Mare ne folini mae Josep ka maedi Midian gre. Varadaki silva ne hatani mana ne tei Ijep.

Jenesis 37:28 ပူးပေါင်းရင်းမြစ်များ

Mae Khuru 7:9

“Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Nodi Khoje Hatimare Mae Jiu 105:17

Nu mana neke hohoro kaisei nabrou maladi mare neke kuru teini kaisei mae mala kulu tei Ijep. Nanghagna na, mae Josep. Mare neke kuru teini mana mala jateula kaisei mae sneka eghu jare.

Jenesis 25:2

Mae igre nanghadi teke karha ka Ketura re, Simran, Joksan, Medan, Midian, Isbak nei Sua.

Matiu 26:15

Mae Judas ne cheke eghu ka mare, “Jame te snakre arini iara mae Jisas gne ka ghotilo na, niha sileni nate foli ghau iara ghotilo na?” Mare ne tusu ranghini mae Judas tolufulu sileni.

Jenesis 37:36

Hatimare maedi Midian ra hatani mae Josep ne tei Ijep. Hatimare hatani mae Josep ne tei ka mae Potifa mala foli mana mala kaisei nogna mae gloku mana. Mae Potifa gne kaisei nogna ofisa mae king gna Ijep, nei mana kaisei nodi kapten hatimare mae soldia te mala reireghigna nogna suga biꞌo mae king gna Ijep na.

Jenesis 37:25

Ke leghugna tela koko sorunihi mae Josep ka khora na, mare gnokro soru ne ghamu. Kate ghamu teu mare na, mare ne filodi vikegna mae Ismael re ne mei funudi Gilead mala tei Ijep. Nodi kamel re fodu ka wit nei meresin nei sedi mala ghiha ka thini eghu. Glepo igre mala tei sabiri ka kantri Ijep.

Matiu 27:9

Igne horoghoto ka unha teke cheke eghu mae profet Jeremaea tifa ia, “Mare ne hata haghe tolufulu sileni, naba teke magnahagheni mare te mala folini mana.

Profet Isaia 60:6

Mare ginauna atha mei kmana kamel nei dedei eghu ka ghotilo funudi Midian nei Efa, eghuteuna naiknodi Seba ginauna atha mei gol nei insens. Eghuteuna mare ginauna na kafe eha fabiꞌo mala kilo fnaknoni Lord.

Nodi Khoje Hatimare Mae Jiu 83:9

Tapla faparidi sagho, eigna iagho neke tapla faparidihi naiknodi Midian tifara, nei iagho neke jaola neke roꞌedi mae Sisera ghe Jabin ka khoꞌu biꞌo Kison.

Jajis 8:24

Eghuteuna mana ne cheke eghu, “Nu iara magnahaghei te toreni kaisei glepo ka ghotilo. Tusu mei dedenge teke hata ghotilo ka noda naoka tahati ra.” Nodi kastom naiknodi Midian te au baludi vikegna Ismael igre jaola fahaghe dedenge gol.

Jajis 8:22

Ke leghugna teke magra baludi maedi Midian igne, maedi Israel igre ne cheke eghu ka Gidion, “Iagho mala funei fruni ghami ghehati, naugna iagho neke fakarhi ghami ghehati ka vikedi Midian ra. Eghuteuna ke leghumu iagho na, mae ka vikemu iagho ngala mala teke tughu nigho iagho na.”

Naba 25:17

“Uve, ghotilo na tei magra ka naiknodi Midian. Ghotilo ginauna falehedi gnafa naikno tuare,

Naba 25:15

Eghuteuna nanghagna gaꞌase igne na Kosbi thugna mae Sua, kaisei mae biꞌo ka kokhologna mae Midian.

Eksodas 2:16

fitu gaꞌase ne mei ka vido igne. Gaꞌase igre thugna mae Jetro kaisei mae pris gna Midian. Gaꞌase igre mei balu nogna sipu nei nanigot eghu Jetro mae kmadi na mala fakoꞌudi.

Jenesis 39:1

Hatimare mae vikegna Ismael gre hatani mae Josep ne tei Ijep. Eghuteuna kaisei maegna Ijep nanghagna na mae Potifa ne folini mae Josep mala nogna mae gloku. Mae Potifa gne kaisei nogna ofisa mae king gna Ijep, nei nodi kapten hatimare mae soldia te mala reireghi gna nogna suga biꞌo mae king na.

Jenesis 50:15

Kate filoni te lehehi mae kmadi na, hatimare mae thabusigna mana re ne cheke eghu, “Unha eghu jame te diꞌatagna fabrahui teu mae Josep ka tahati na? Eigna tahati gne neke edi kmana najafra ranghini mana. Unha eghu jame teke foli fapulo mana najafra tura ka tahati na?”

Jenesis 40:15

Ulu lahu na mare neke blau ghau iara ka namonomi ghehati mae Hibru gre neke hata mei ghau iara agne. Eghuteuna kate au teu iara agne Ijep na iara neke theome eni kaisei najafra. Nu mare neke fiti lilisei ghau iara ka bara igne, kate theo nafugna kolho.”

Eksodas 21:16

“Ihei te blauni keha mae na, neuba mana ne sabirihi mala sneka neu, ba tathajiu, ghotilo aknu falelehe mae igne.

Levitikas 27:5

Kaisei mae sua nalhaꞌu te glima finogha tei thokeni varadaki finogha, praes na varadaki silva. Kaisei sua gaꞌase te glima finogha tei thokeni varadaki finogha, praes na nabotho silva.

Profet Jeremaea 38:13

eghuteuna mare neke korho fajiflani mana kosi. Mare athani mana ne tei lilisei ka vido aheva te au hatimare mae soldia te reireghi gna nogna suga mae king na.