Jenesis 37:24 - Buka Blahi Ka Cheke Holo

²⁴ Hatimare ne leghuni nogna cheke mae Ruben na ne koko soruni mana ka khora tela krangohi na.

Jenesis 37:24 ပူးပေါင်းရင်းမြစ်များ

Profet Jeremaea 38:6

Aonu mare athani mae Jeremaea ne haru ka phukri ne farurhu soru lamna khora kho'u te au ke kosigna suga sososlo na. Igne nogna seu mae Malkaeja thugna mae king. Eghuteuna mae Malkaeja au ka suga gna king te reireghi teu mare igne. Seu igne krango theo kaisei khoꞌu tagna, nu fodu ka chopu kolho eghu. Mae Jeremaea ne thofno gnokro soru ka chopu igne.

Profet Sekaraea 9:11

Lord ne cheke eghu, “Iara neke nhaꞌa chekehi balumi ghotilo, eghuteuna dadaradi fafara ra thofa soru mala farerheta gna nhaꞌa cheke igne. Eghume, iara ginauna togho ghami ghotilo mala snagla tei ghotilo ka vido aheva teke huhuru ghami mala tei au tagna, aheva jateula seu teu te theome au kaisei khoꞌu tagna.

Lamentations 4:20

King igne neke vavahi Lord, mana jateula te louloku teu eghu nakarhada tahati gre. Tahati gaoghathoda na mana tangomana te reireghi ghita ka keha kantri are neku, nu naoka hata fajiflani mana ka tahati.

Nodi Khoje Hatimare Mae Jiu 88:8

Iagho neke toghodi mae kheragu iara re neke tei koko ghau iara. Uve, iagho neke toghodi mare neke thono tirodi ghau iara. Iagho neke lisa lao ghau iara farihotei hoholo mala theome tangomana iara teke jifla na.

Nodi Khoje Hatimare Mae Jiu 88:6

Iagho koko soru ghauhi iara ka glumadi mae iheire tela lehehira. Iara au jare ka glave te romno fara na.

Nodi Khoje Hatimare Mae Jiu 40:2

Iara gne jateula kaisei mae te au teu ke lamna glodu te mamhara nei ka naoro te fodu ka chopu ra eghu. Nu Lord neke korho haghe ghau iara neke fakegra ghau iara ke tagrugna kaisei thina, eghuteuna iara gognaro na kegrau ka vido te keli.

Nodi Khoje Hatimare Mae Jiu 35:7

Iara neke theome eni kaisei puhi te diꞌa ranghidi mare, nu mare lilisei kaisei phighoro te mala fakhale ghau iara na. Eghuteuna mare neke dokha kaisei khora te mala snoꞌo iara na.

Jenesis 37:23

Aonu kate mei mae Josep ka mare na, mare lokini mana ne hata koko nogna phoko brahu mana na, nogna famane phoko teke tufa mae kmagna na.

Jenesis 37:25

Ke leghugna tela koko sorunihi mae Josep ka khora na, mare gnokro soru ne ghamu. Kate ghamu teu mare na, mare ne filodi vikegna mae Ismael re ne mei funudi Gilead mala tei Ijep. Nodi kamel re fodu ka wit nei meresin nei sedi mala ghiha ka thini eghu. Glepo igre mala tei sabiri ka kantri Ijep.

Jenesis 42:21

Kate tarabana teu mala ke pulo ka namono di na teu igne, mare ne cheke eghu fari thedi, “Tahati gne kabru eidi unha najafra teke edi theda ranghini mae thabusida igne. Tahati neke filoni mana teke tanhi nei eha neku ka tahati mala toghoni teku, nu tahati neke tiroda fanomho ka mana neku. Naugna igne tahati gognaro na kabru tughudi unha teke edi tahati ka mana ra eghu.”