Jenesis 37:15 - Buka Blahi Ka Cheke Holo

¹⁵ Kate tei posa jare na, kaisei mae ne filoni mana te nolo tafri teu ka nagare na, ne ghusna eghu ka mana, “Iagho mei hiro unha agne sia?”

Jenesis 37:15 ပူးပေါင်းရင်းမြစ်များ

Jajis 4:22

Barak ne harini Sisera, eghuteuna kate posa mana ka vido igne, Jael ne thafoni mana. Eghuteuna naꞌa ne cheke eghu, “Mei sagho. Mae te hironi iagho na au agne. Iara ginauna fakakhana ka iagho.” Mae Barak ne tei balugna naꞌa ne filoni Sisera tela lehehi na eghuteuna mana jaola ne filoni gaju te au teu ka glangi phaꞌugna mana na.

Jone 20:15

Mae Jisas ne cheke eghu ka naꞌa, “Naikno biꞌo, tanhi unha sagho ia? Mae ihei site harini iagho gnea?” Meri gaoghathogna na ne kaisei mae greireghi nagare eghu. Aonu naꞌa ne cheke eghu ka mana, “Mae biꞌo, neke iagho nga teke atha fadelei thinigna nogu Lord na nu, ke falalase iagho aheva teke tei liliseini mana iagho na eghu, mala ke tei athani mana iara.”

Jone 18:7

Mae Jisas neke fapea cheke eghu ka mare, “Mei harini mae ihei si ghotilo ia?” Mare ne cheke eghu ka mana, “Mae Jisas gna Nasaret.”

Jone 18:4

Eghuteuna, mae Jisas la kulu lasedihi unha nate eni mare ka mana na. Kate posa mei mare na, mana tei ne ghusna eghu ka mare, “Mei harini mae ihei si ghotilo ia?”

Jone 4:27

Ka vido tuana, nogna mae fanomho mae Jisas re neke pulo mei teke tei foli gano ka namono na. Mare ne jaglo nodi fara naugna mare ne filoni mae Jisas te toutonu teu balugna gaꞌase gna Samaria na. Nu theo kaisei mae ka hatimare te cheke eghu ka naꞌa na, “Magnahaghei unha sagho ia?” Ba, te cheke eghu ka mana, “Naugna unha site toutonu iagho balugna gaꞌase tuana ia?”

Jone 1:38

Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Fapea Kings 6:19

Eghuteuna mae Elisa ne tei cheke eghu ka maedi Siria gre, “Ghotilo la snivihi. Namono igne theome namono te hironi ghotilo na. Iara ginauna batu ghami ghotilo tei ka mae te hironi ghotilo na.” Aonu mana batudi mare ne tei ka namono biꞌo Samaria.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 37:14

Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.

Jenesis 37:16

Mae Josep ne cheke eghu ka mana, “Iara gne mei mala hirodi mae thabusigu ra. Ba, aheva iagho teke filodi mare te reireghi sipu teure?”