Jenesis 37:14 - Buka Blahi Ka Cheke Holo

¹⁴ Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.

Jenesis 37:14 ပူးပေါင်းရင်းမြစ်များ

Jenesis 35:27

Aonu mae Jekop mei ne posa Mamre ka namono te au teu mae Isak, mae kmagna na rhegna namono Kiriat Aba. Keha nanghagna namono igne Hebron, namonogna mae Ebraham kmagna mae Isak.

Luku 19:42

Mae Jisas ne cheke eghu, “Thofno keli fara jame te filo glanini ghotilo gognarona puhi te mala batuni naikno te tei kau pharikeli na. Nu ghotilo theome tangomana te filo glani na eghu, naugna poru ka ghotilo.

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Profet Jeremaea 29:7

Iara neke kuru tei ghami ghotilo ka namono te au ghotilo tuana. Eghume, ghotilo loku heta mala toghoni namono biꞌo tuana mala au fakeli. Ghotilo mala tarai ka iara Lord, eghuteuna iara ginauna fablahini namono tuana. Naugna, jame te au fakeli ghotilo ka namono tuana na, ghotilo ginauna na jaola au fakeli nei jaola au nomi kmana glepo eghu.

Ululahu Kings 2:33

Mae Joab nei vikegna teu mana ra nabadi te au papara eidi dadaradi mae Abna ghe mae Amasa ra. Nu ghehati vikegna mae Devet te gnokro ka sapegna king igre, Lord ginauna togho ghami ghehati mala au fabrahu ka pharikeli.”

Fapea Samuel 18:32

Aonu king ne ghusna eghu ka mana, “Faꞌunhau mae thugu iara mae Absalom ia, mana keliu kolho ba theo?” Aonu maegna Kus igne ne cheke eghu, “King, nogu funei, mae Absalom ia la lehehi. Puhi biꞌo te thokedi nou naoka iagho ra jaola thokeni mae majaghani igne.”

Josua 14:13

Mae Josua nomhini nogna cheke mana igne ne fablahini mae Kaleb, aonu mae Josua ne snakre lao ka mana namono Hebron.

Naba 13:22

Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Jenesis 41:16

Mae Josep ne cheke eghu ka mae king, “Iara theome tangomana te ruruthani gaoghathogna u nou mifi iagho na, nu thegna God ngala te tangomana ni te ruruthani u gaoghathogna nou mifi iagho na, eghuteuna kate nomhini iagho gaoghathogna nou mifi na, iagho ginauna na thofno glealeꞌa fara.”

Jenesis 29:6

Aonu mae Jekop ne ghusna eghu ka mare, “Ba, mae Laban na karha keli eghu ngau?” Mare ne cheke eghu ka mana, “Uve, mana na karha keli eghu ngala. Filo sagho, Resel, thugna gaꞌase mana na tela mei baludi nogna sipu mana re ana.”

Jenesis 23:2

Naꞌa neke lehe ka kantri Kenan ka namono Kiriat Araba, fapea nanghagna na Hebron. Mae Ebraham ne thofno au diꞌanagnafa ne tanhi ni Sera.

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Josua 14:15

Tifa na, namono Hebron igne mare neke kiloni Kiriat-Aba. Eghuteuna mae Aba gne neke kaisei mae biꞌo ka hatimare mae Anak. Ke leghugna te atha mae Kaleb namono igne, naiknore ne au ka pharikeli.

Jenesis 23:19

Ke leghugna igne, mae Ebraham ne giugilui khetogna na ka sare Makipela ka gluma thina na, ke maghati namono Mamre jare ka kantri Kenan. Keha nanghagna na namono Mamre gne, Hebron.

Jenesis 37:15

Kate tei posa jare na, kaisei mae ne filoni mana te nolo tafri teu ka nagare na, ne ghusna eghu ka mana, “Iagho mei hiro unha agne sia?”

Josua 14:14

Mae Kaleb ne thofno leghu fakelini chekegna Lord, nodi God mae Israel ka nagnafagna fateote'o. Eghume, namono Hebron igne nodi tharaknagna mae Kaleb, thugna mae Jefune, nei vikegna mae Kenas eghu fabrahu.

Jajis 1:10

Eghuteuna mare tei ne magra ka naiknodi Kenan ka namono Hebron, nanghagna ulu lahu na Kiriat-Aba. Ka namono igne mare ne uludi vikegna Sesae, nei vikegna Ahiman nei vikegna Talmae.

Fapea Samuel 11:7

Kate thoke mei mae Uraea na, mae Devet ne ghusna eghu ka mana, “Faꞌunhau mae Joab baludi mae soldiara? Mare keliu kolho ba theo? Faꞌunhau magra na?”

Jenesis 43:27

Mae Josep ne cheke eghu ka mare, “Nehau ngau ghotilo ia? Nehau ngau mae khuekuꞌe teke chekeni ghotilo ka iara tifa ia? Mana na keliu ngala?”

Ululahu Samuel 17:22

Mae Devet lisei soru ganore ka mae te reireghidi nodi gobigna lepo mae armi igre ne chari ne tei ka vido te tarabana mala magra teu mare na. Mana tei ne filodi thilo mae thabusignare ne ghusnadi thilo mare te keli teu ba unha.

Nogna Buka Esta 2:11

Leuleghu narane na, mae Modikae tei koba ke ulugna suga te au teu Esta igne mala laseni naꞌa te au fakeli teu ba theo, nei mala laseni unha nate eni mare ka naꞌa na.