Jenesis 36:33 - Buka Blahi Ka Cheke Holo

³³ Eghuteuna kate lehe mae Bela na, mae Jobab, thugna mae Sera maegna ka namono Bosra, mana teke king na.

Jenesis 36:33 ပူးပေါင်းရင်းမြစ်များ

Profet Jeremaea 49:22

Filo si ghotilo! Naoka na ginauna ghosei mei jateula gaghata biꞌo te ghosei tivi te sukha te atha ghegna gano ra na eghu ka namono Bosra. Ka narane tuana, nodi soldia maedi Idom ginauna mhaghu nodi fara jateula gaꞌase te mhaghu nogna fara kate namo karha thugna na ia eghu.

Profet Jeremaea 49:13

Iara nhaꞌa chekehi ka nanghagu thegu te mala roꞌeni nomi namono biꞌo ghotilo Bosra. Eghuteuna kate ghathoni igne, naiknore ginauna rhana nodi fara ka unha nate thoke mei ka mare na. Mare ginauna tibrini namono igne mala thoke mei puhi biꞌo ka naiknore. Eghuteuna namono te gnafa te au faligohoni namono igne ginauna theome tangomana na teke kegra fapulo na.” Igne chekegna Lord.

Profet Maeka 2:12

Lord ne cheke eghu, “Ghotilo naiknomi Israel. Kaisei narane iara ginauna atha gnafa iheire teke karha mei ke leghumi ghotilo nei ka iheire te karha nga teu, mala kafe mei. Eghuteuna iara ginauna reireghi fakelidi jateula mae mala greireghi sipu atha teke pulo mei nogna sipu re ka baradi re. Nomi namono ghotilore ginauna fodu ka naikno, jateula kaisei vido te au famane buburu aheva kmana sipu te au tagna.

Profet Emos 1:12

Iara ginauna koko soru khaꞌaghi mala nhako suga te rheta ka nohi Teman nei ka namono biꞌo Bosra.”

Profet Isaia 63:1

Mae sekiuriti te toetoe teu ke kligna bara thina na ne cheke eghu, “Mae ihei site mei funugna Idom ka namono Bosra ignea? Mana pipichi ka famane pohe ukru. Mana mei jateula kaisei mae te nheta nei nolaghi eghu. Nu mae ihei eghu signea?” Lord ne cheke eghu, “Iara ngala te mei igne! Iara mei mala chekeni tela uluhi iara na, naugna puhigu iara na thofno doglo fara! Eghuteuna iara au nogu nolaghi te mala fakarhi ghami ghotilo na.”

Profet Isaia 34:6

Nogna naflahi mana igne ginauna fodu ka dadara nei garofa, jateula dadaradi nei garofadi eghu sipu, ba nanigot te falelehe mae pris te fafara ra eghu. Lord ginauna aknu falehe naikno te au ka namono biꞌo Bosra, jateula kaisei fafara eghu. Eghuteuna mana ginauna jaola aknu falehe kmana naikno ka nodi kantri maedi Idom.

Jenesis 36:32

Mae ihei teke king ulu lahu na neke mae Bela, thugna mae Beo. Mana neke king neke au Dinhaba.

Jenesis 36:34

Eghuteuna ke leghugna te lehe mae Jobab na, mae Husam maegna ka nohi Teman teke king na.

Profet Jeremaea 48:24

Keriot, nei Bosra, baludi keha namono te gnafa Moab, neubane khaba, ba ne namo.