Jenesis 36:31 - Buka Blahi Ka Cheke Holo

³¹ Ame au nga kaisei nodi mae king mae Israel gre teku na, mae igre neke king neke funei fruni ni namono Idom.

Jenesis 36:31 ပူးပေါင်းရင်းမြစ်များ

Jenesis 17:6

God jaola ne cheke eghu, “Iara ginauna tusu ranghi nigho iagho kmana vike, eghuteuna keha mae ka vike igre ginauna mala mae king.

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Diutronomi 33:29

Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”

Diutronomi 33:5

Kate salo fodu ghotilo mae biꞌo nei mae lida teu ka vikegna Israel ra, Lord na nomi King ghotilo.”

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Jenesis 25:23

Lord neke cheke eghu ka naꞌa, “Iagho ginauna na fakarhidi phei thumu nalhaꞌu eghuteuna phei mae igre ginauna mala phaꞌudi phei vike. Eghume phei mae te au teu ka thi'amu iagho na igre ginauna na fnota eghu. Kaisei tothoghei naikno ginauna nheta uluni keha na. Mae teke kulu karha gne mala ke loku ranghini mae teke karha ke leghu na eghu.”

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.