Jenesis 35:8 - Buka Blahi Ka Cheke Holo

⁸ Aonu kaisei naikno biꞌo te kiloi Debora gne neke lehe jare ne giugilu mare ka pesigna gaju biꞌo na fei ke mata namono Betel. Aonu mare ne kiloni gaju biꞌo igne Alon Bacath, ba “Gaju diꞌanagnafa.” Debora gne neke reireghini Rebeka khetogna mae Isak gne kani suai teku naꞌa na.

Jenesis 35:8 ပူးပေါင်းရင်းမြစ်များ

Jenesis 24:59

Aonu mare ne snakreni Rebeka ne tei balugna mana nei keha mae teke mei balugnare eghu. Mare ne kuru teini kaisei gaꞌase mala loku ihei teke reireghini na funu suagna na mala tei balugna.

Ululahu Samuel 31:13

Aonu mare atha nhubradi fati mae igre ne giugilui ke parigna gaju tamaris. Mare diꞌanagnafa ne theome ghamu nabagna fitu narane.

Jajis 2:5

Aonu mare ne kiloni namono igne “Bokim”, gaoghathogna na “Mare ne kafe tanhi.” Eghuteuna mare ne eni kaisei fafara ka Lord ka namono igne.

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.

Jajis 4:5

Naꞌa tangomana te gnokro ke parigna nogna gaju thubo na farihoteidi phei namono Rama ghe Betel, ka thogele ka nodi glose vikegna Efrem. Eghuteuna iheire te au nodi faripholai igre tangomana te tei filoni naꞌa mala fadoglidi nodi puhi biꞌo re.

Ululahu Samuel 10:3

“Eghuteuna kate jifla iagho ka vido igne te tei thoke Tekoa ka gaju blahi na, iagho na filoni kaisei fagaglana. Eghuteuna iagho ginauna thafodi thilo mae te tei fafara God Betel. Kaisei mae na korho thilo sua nanigot, keha mae na hata thilo bret blahi balugna, eghuteuna fatilo mae na pala kaisei duku guli nanigot te fodu ka waen.