Jenesis 35:29 - Buka Blahi Ka Cheke Holo

²⁹ Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Jenesis 35:29 ပူးပေါင်းရင်းမြစ်များ

Jenesis 15:15

Ghema Ebram, iagho ginauna au blagna nou kate kueku'emu na ghilei lehe, eghuteuna mare ginauna na giugilui nigho iagho.

Jenesis 49:33

Ke leghugna te cheke te gnafa ka mae thugna re, mana ne thuru fadoglo soru ka sape na ne lehe.

Jenesis 49:31

Ka gluma igne teke giugilui mare thinidi mae Ebraham ghe Sera re, eghuteuna ka gluma igne la teke giugilui mare thinidi mae Isak ghe Rebeka re. Eghuteuna iara neke jaola neke giugilui thinigna Lea na ka gluma igne.

Thoutonu Eigna Mae Job 5:26

Iagho ginauna karha kelimu au ghilei kuekuꞌe fara, jateula sopho te famane kotu ka nagare na te ghilei thokeni narane te naba te mala ukli na ia eghu.

Jenesis 25:17

Mae Ismael gne neke karha neke thokeni kaisei gobi tolufulu fitu finoghagna neke lehe nga. Aonu tharungagna mana na neke tei au baludi tharungadi vikegna teke lehe tifa ra.

Jenesis 27:41

Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Jenesis 47:30

Kate lehe iara na, iagho mala ke pulo giugilui ghau iara ka namono aheva teke giugilui mae kuꞌegu ra.” Mae Josep ne cheke eghu ka mae kmagna na, “Iara ginauna na eni unha te chekeni iagho na.”