Jenesis 35:27 - Buka Blahi Ka Cheke Holo

²⁷ Aonu mae Jekop mei ne posa Mamre ka namono te au teu mae Isak, mae kmagna na rhegna namono Kiriat Aba. Keha nanghagna namono igne Hebron, namonogna mae Ebraham kmagna mae Isak.

Jenesis 35:27 ပူးပေါင်းရင်းမြစ်များ

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Jenesis 23:19

Ke leghugna igne, mae Ebraham ne giugilui khetogna na ka sare Makipela ka gluma thina na, ke maghati namono Mamre jare ka kantri Kenan. Keha nanghagna na namono Mamre gne, Hebron.

Jenesis 18:1

Kaisei fata ke leghugna igne, Lord ne mei thakle ka mae Ebraham rhegna gaju biꞌo na te au ka namono Mamre. Mana gnokro neu ka grengathagna nogna suga tapuale na kate brana fara naprai na.

Josua 15:13

Mae Josua ne eni unha teke chekeni Lord ka mana na. Mana ne snakre lao keha nogna vido glose mae Juda ka vikegna mae Kelab. Mae Josua ne snakre lao namono Hebron igne, tifa na mare neke kiloni Kiriat-Aba, gaoghathogna na, “Nogna Namono mae Aba,” eghuteuna Aba gne gragna mae Anak tifa.

Jenesis 23:2

Naꞌa neke lehe ka kantri Kenan ka namono Kiriat Araba, fapea nanghagna na Hebron. Mae Ebraham ne thofno au diꞌanagnafa ne tanhi ni Sera.

Fapea Samuel 5:5

Ulu lahu na mana neke au Hebron neke king frunini Juda fitu finogha namno nhigra. Eghuteuna ke leghu na, mana king frunidi gnafa Israel ghe Juda jare Jerusalem tolufulu thilo finogha.

Fapea Samuel 5:3

Aonu mae biꞌo te gnafa Israel igre ne kafe mei ka King Devet Hebron. Mana ne eni kaisei nhaꞌa cheke baludi mare ke ulugna Lord. Mare ne kaisei nodi gaoghatho ngala te mala king mae Devet ranghidi te gnafa na. Aonu mare ne tofa oel ka phaꞌugna mana na mala king gna Israel.

Fapea Samuel 5:1

Hatimare mae biꞌo ka vike te gnafa Israel igre ne tei ka mae Devet Hebron ne cheke eghu ka mana, “Filo sagho, ghehati gne thabusimu iagho ngala.

Fapea Samuel 2:11

Mae Devet ne au soru ka namono Hebron ne funei frunidi naiknodi Juda nabagna fitu finogha namno nhigra.

Fapea Samuel 2:3

Mana jaola ne hata nogna soldiare balu khetodi nei thudi ne tei au rhegna namono Hebron.

Fapea Samuel 2:1

Ke leghugna te lehehi mae Sol ghe mae Jonatan igne, mae Devet ne tarai eghu ka Lord, “Lord, iara tangomana te tei au ka kaisei namono jare Juda na, ba theo?” Lord ne cheke eghu, “Uve, iagho tangomana te tei na.” Aonu mae Devet ne cheke eghu ka Lord, “Ka namono aheva nate tei au iara na?” Lord ne cheke eghu ka mana, “Iagho tei au ka namono Hebron.”

Jenesis 28:5

Aonu mae Isak ne kuru teini mae Jekop ka mae Laban, thugna mae Betuel ka namono Mesopotemia. Mae Betuel gne kaisei mae ka vikegna mae Aram. Eghuteuna mae Laban gne neke thabusigna Rebeka, idodi mae Jekop ghe mae Iso.

Jenesis 14:13

Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.

Jenesis 31:18

Eghuteuna mana ne tei baludi nogna tothoghei sipu nei nanigot nei keha glepo la ngau eghu teke hata mana Mesopotemia re neke pulo ka mae kmagna Isak, ka kantri Kenan.

Jenesis 37:14

Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Jenesis 49:29

Ke leghugna te fablahidi mare te gnafa na, mae Jekop ne cheke eghu faheta ka mae thugna re, “Iara gognaro na la namo lehehi. Nu ne lehe nga iara nu, ghotilo ke hata fapulo thinigu iara na ka kantri Kenan eghu, mala ke giugilu ka gluma thina teke giugilu mare mae ku'egu iara tifa ra ka namono Makipela ke maghati Mamre. Mae Ebraham neke foli sare igne ka mae Efron, vikegna mae Hit. Giugilui ghau ka gluma thina teke giugiludi mae kmagu tifa ra.