Jenesis 35:26 - Buka Blahi Ka Cheke Holo

²⁶ Phei mae teke karha ka Silpa, nogna gaꞌase gloku Lea re neke mae Gad ghe mae Asa. Mae igre neke karha ka mae Jekop kani au neku mana ka namono Mesopotemia.

Jenesis 35:26 ပူးပေါင်းရင်းမြစ်များ

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 31:18

Eghuteuna mana ne tei baludi nogna tothoghei sipu nei nanigot nei keha glepo la ngau eghu teke hata mana Mesopotemia re neke pulo ka mae kmagna Isak, ka kantri Kenan.

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 28:2

Iagho mala tei Mesopotemia ka namono gna ku'emu Betuel, kmagna idomu iagho gne. Iagho mala tei hata kaisei gaꞌase jare Mesopotemia ka thugna mae Laban, thabusigna idomu themu gne.

Jenesis 37:2

Igne u thoutonu eigna mae Jekop nei thugna mana re teuna. Mae Josep gne kaisei mae majaghani fara, nabotho fitu finogha gna kolho. Mana neke mae mala reireghi sipu nei nanigot eghu baludi mae ke biꞌogna re, mae ke biꞌogna mana igre neke thudi Bilha ghe Silpa, phei khetogna mae kmagna. Mae Josep neke posa toutonu koba ka mae kmagna na unha puhi te diꞌa teke edi mae ke biꞌogna re.

Jenesis 29:24

Eghuteuna mae Laban ne tusu lao kaisei nogna gaꞌase gloku Lea, nanghagna na Silpa.

Josua 13:24

Mae Moses neke tufahi glose igne ka vikegna mae Gad mala nodi mare fabrahu.

Josua 19:24

Fafalima vido glose igne tei ka vikegna Asa.