Jenesis 35:23 - Buka Blahi Ka Cheke Holo

²³ Namno mae teke karha ka Lea re igre, mae Ruben, mae Simion, mae Livae, mae Juda, mae Isak nei mae Sebulun.

Jenesis 35:23 ပူးပေါင်းရင်းမြစ်များ

Jenesis 33:2

Mana ne lilisei phei gaꞌase glokure baludi thudire ului. Lea baludi thugnare ke leghu, eghuteuna Resel balugna mae Josep leghu lahu.

Mae Khuru 7:8

Eghuteuna ke leghugna igne na, God neke cheke ranghini mae Ebraham mala tohi fagaglana mae sua nalha'ure. Igne kaisei fagaglana eigna nogna nhaꞌa cheke God na. Naugna igne, mae Ebraham neke tohi fagaglana mae thugna Isak ka fahanagna narane ke leghugna teke karha mana na. Eghuteuna mae Isak jaola neke tohi fagaglana mae thugna Jekop. Eghuteuna mae Jekop jaola neke tohi fagaglana dila mae thugnare, nabotho phei mae kuꞌeda tahati ra.

Jenesis 29:31

Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Eksodas 1:1

Kaisei narane mae Jekop, keha nanghagna na mae Israel, atha thugnare ne tei Ijep. Aonu thugna mana re ne atha khetodi nei thudi teure ne tei baludi ne au Ijep. Nanghadi thugna mae Israel re igre: mae Ruben, mae Simion, mae Livae, mae Juda,

Jenesis 29:16

Mae Laban au phei thugna gaꞌase, Lea ghe Resel.

Jenesis 49:3

“Iagho mae Ruben, mae thugu biꞌo lahu iara ia. Iara kani mae majaghani ghu neku neke faꞌau nigho iagho. Eghuteuna gognaro na iagho la biꞌo haghe la kaisei mae nheta fara ka hatimare mae thabusimu igre eghu.

Naba 1:5

Nanghadi nabotho phei mae lida re igre: “Ka vikegna mae Ruben, nodi lida mare na mae Elisua, thugna mae Sedeua.

Naba 2:3

Mae ka vikegna Juda, vikegna Isaka, nei vikegna mae Sebulun re mala edi haghe nodi suga thapuale re file maghati, baludi nodi flagi re. Mare mala au ka nodi kokholo thedire, baludi mae nodi lida na. Ka vikegna Juda, mae lida mare na mae Nason, thugna mae Aminadab. Khaputudi mare re ne thokei fitu salei fati thogha namno gobi. Eghuteuna vikegna Isaka re mala au rhedi vikegna mae Juda. Eghuteuna mae lida ka vikegna mae Isaka re mae Netanel, thugna mae Sua. Khaputudi mare te gnafa na thokei glimafulu fati thogha fati gobi. Ka keha phile na, vikegna Sebulun te mala au tagna na. Eghuteuna mae lida mare na mae Ehab, thugna mae Helon. Khaputudi mare te gnafa na ne thokei glimafulu fitui thogha fati gobi.

Naba 7:12

Aonu mare ne leghuni puhi te mala tufa nodi fafara ka Lord na. Ka narane ulu lahu na, mae Nason, thugna mae Aminadab, mae lidadi vikegna mae Juda gne te mala atha te meidi nodi glepo mala fafara mare re. Eghuteuna ka fapea narane na, mae Netanel, thugna mae Sua, mae lidadi vikegna mae Isaka gne te mala atha te meidi nodi glepo mala fafara mare re. Eghuteuna ka fatilo narane na, mae Eliab, thugna mae Helon, mae lidadi vikegna mae Sebulun gne te mala atha te meidi nodi glepo mala fafara mare re. Eghuteuna ka fafati narane na, mae Elisua, thugna mae Sedeua mae lidadi vikegna mae Ruben gne te mala atha te meidi nodi glepo mala fafara mare re. Eghuteuna ka faglima narane na, mae Selumiel, thugna mae Surisadae mae lidadi vikegna mae Simion gne te mala atha te meidi nodi glepo mala fafara mare re. Eghuteuna ka fa namno narane na, mae Eliasaf, thugna mae Duel mae lidadi vikegna mae Gad gne te mala atha te meidi nodi glepo mala fafara mare re. Eghuteuna ka fa fitu narane na, mae Elisama, thugna mae Amihud mae lidadi vikegna mae Efrem gne te mala atha te meidi nodi glepo mala fafara mare re. Eghuteuna ka fa nhana narane na, mae Gamaliel, thugna mae Pedasua mae lidadi vikegna mae Manase gne te mala atha te meidi nodi glepo mala fafara mare re. Eghuteuna ka fa nheva narane na, mae Abidan, thugna mae Gidion mae lidadi vikegna mae Benjamin gne te mala atha te meidi nodi glepo fafara mare re. Eghuteuna ka fa nabotho narane na, mae Ahiesa, thugna mae Amisadae mae lidadi vikegna mae Dan gne te mala atha te meidi nodi glepo mala fafara mare re. Eghuteuna ka fa nabotho kaisei narane na, mae Pagiel, thugna mae Okran mae lidadi vikegna mae Asa gne te mala atha te meidi nodi glepo mala fafara mare re. Eghuteuna ka fa nabotho phei narane na, mae Ahira, thugna mae Enam mae lidadi vikegna mae Naftali gne te mala atha te meidi nodi glepo mala fafara mare re. Gobigna lepo te mala fafara te atha te mei mare re mala kafe nanabadi gnafa ngala. Mare mala tufa kaisei dis silva te biꞌo, tahugna na thokeni kaisei nei kaisei vido kilo, eghuteuna kaisei dis silva te ikoi eghu, tahugna na thokei nhana gobi gram. Aonu mare ne skel phei dis igre ka nodi skel mae pris re. Phei dis igre fodu ka flaoa nei oliv oel eghu mala fafara ka flaoadi wit te famane keli. Aonu mare jaola ne tufa kaisei dis ikoi teke hohoro ka gol, tahugna na thokei kaisei gobi nabotho gram. Dis igne fodu ka insens. Eghuteuna mare jaola ne tufa kaisei buluka nalhaꞌu gna te majaghani, nei kaisei sipu nalhaꞌu, nei kaisei sipu nalhaꞌu gna te ikoi te kaisei finogha gna. Buluka nei phei sipu teu igre mala fafara te gahu te knotho. Eghuteuna mare atha kaisei nanigot nalhaꞌugna mala fafara mala klino mare ke ulugna Lord. Aonu mare jaola ne tufa phei buluka nalhaꞌudi, baludi glima sipu nalhaꞌu, baludi glima nanigot nalhaꞌu, nei glima sipu nalhaꞌudi te ikodi te kaisei finogha dire. Gobigna lepo te tautagu igre mala fafara mala faglaglana gna te au fakeli mare balugna Lord na.

Naba 10:14

Aonu naikno teke au ke parigna nodi flagi vikegna mae Juda gre ngala te mala kulu tei na. Eghuteuna mae Nason, thugna mae Aminadab gne te batudi vikegna mae Juda na.

Naba 13:4

Igre nanghadi mae lida teke kuru tei mana re: Ka vikegna mae Ruben na, mana ne vahini mae Samua, thugna mae Sakua.

Naba 26:5

Ka vikegna mae Ruben, thugna ulu lahu mae Jekob na, ne au tharakna gna mae Hanok, tharakna gna mae Palu, tharakna gna mae Hesron, nei tharakna gna mae Kami. Eghuteuna khaputudi mae nalhaꞌu ka tharaknadi mae igre ne thokeni phiatutu thilo thogha fitu gobi tolufulu mae.

Naba 34:19

Nanghadi mae lida re igre: “Ka vikegna mae Juda na, Caleb thugna mae Jefune.

Diutronomi 27:11

Ka narane tuanala mae Moses jaola ne cheke eghu ka naiknodi Israel:

Diutronomi 33:6

Mae Moses tudu ne cheke eghu ka vikedi Israel: “Vikegna mae Ruben, ghotilo ginauna theome kmana, nu ghotilo ginauna karha, eghuteuna jame te keli na ghotilo na theome tangomana nate lehe na.

Josua 13:15

Mae Moses neke snakre lao vido glose ka vikegna mae Ruben, mala nodi mare fabrahu.

Josua 15:1

Igne nodi glose vikegna mae Juda. Glose igne funu ka namono nagou Sini eghuteuna tei thoke ka nohi ke mata nodi glose maedi Idom.

Josua 19:1

Fapea vido glose igne tei ka vikegna Simion. Nodi rijon mare igne au ke lamnagna nodi rijon vikegna Juda.

Josua 19:10

Fatilo vido glose igne mana ne fatei ka vikegna Sebulun. Fofotagna nodi rijon mare na ke mata fufunu ka namono Sarid,

Josua 19:17

Fafati vido glose na mala tei ka vikegna Isaka.

Jajis 5:14

Mare ka vikegna Efrem igre soru pari ka glogu. Mare leghuni tei vikegna Benjamin, kheradi mare ra. Mae te nheta ka vikegna Makia ra nei mae biꞌo ka vikegna Sebulun igre jaola soru mei.

Jajis 5:15

Eghuteuna mae funei ka vikegna Isaka igre loku fodu balugna Debora. Uve, mare ka vikegna Isaka igre toghoni Barak. Eghuteuna mare chari ne tei ka glogu ke leghugna mae Barak. Vido gaga ka vikegna Ruben te au keha gaoghatho rheta te mala mei.

Jajis 5:18

Nu vikegna Sebulun balugna vikegna Naftali kolho te mei ka magra na. Eghuteuna mare tarabana kolho te fadidiꞌa nakarhadi re.

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Ululahu Kronikols 12:25

Ka vikegna mae Simion, mare au fitu thogha, kaisei gobi soldia tarabana mala tei ka magra.

Ululahu Kronikols 27:16

Nanghadi mae funei ka vikegna Israel: Mae Eliesa thugna mae Sikri, mana funei ka vikegna mae Ruben. Mae Sefataea thugna mae Maka, mana funei ka vikegna mae Simion.

Profet Esikiel 48:30

Lord ne cheke eghu, “Namono biꞌo Jerusalem igne ginauna ringni lithui ka thina, eghuteuna au fati khukru tagna, brahudi fati khukru igre, phia thogha phia gobi glimafulu mita. Ginauna au thilo grengatha ka khukru te gnafa igre, eghuteuna grengatha igre ginauna au nanghadi nabotho phei vikegna Israel. Thilo grengatha ke raru igre, au nanghagna Ruben, fapea na Juda, fatilo na Livae. Eghuteuna thiloi ke maghati igre, kaisei na nanghagna Josep, fapea na Benjamin, fatilo na Dan. Eghuteuna thilo grengatha ke mata igre, kaisei na nanghagna Simion, fapea na Isaka, fatilo na Sebulun. Eghuteuna thiloi ke mosu igre, kaisei na nanghagna Gad, fapea na Asa, fatilo na Naftali.