Jenesis 35:22 - Buka Blahi Ka Cheke Holo

²² Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Jenesis 35:22 ပူးပေါင်းရင်းမြစ်များ

Ululahu Kronikols 5:1

Mae Ruben gne thugna ulu lahu mae Jekop. Nu naugna teke thuru mana balugna fapea khetogna mae kmagna na, mana theome tangomana te hata nolaghi teke thugna ululahu mana na. Eghuteuna mae Jekop kmagna mae Ruben igne neke tusu lao nolaghi igne ka mae Josep nei ka vikegna mana na. Naugna igne, nanghagna mae Ruben na ne theome mei ulu lahu ka susureidi vikegna Israel.

Levitikas 18:8

“Thosei thuru balugna gaꞌase te tolaghi ka kmamu na. Puhi igne jaola famamajani kmamu na.

Ululahu Korin 5:1

Iara nomhini kaisei thoutonu tutuani eigna kaisei mae ka ghotilo eni kaisei puhi te diꞌa fara. Kaisei mae jare thuru fodu ka khetogna mae thofno kmagna na. Eigna neubane mae bongihehe, mare theome tangomana te eni na glepo te diꞌa fara tuana.

Fapea Samuel 20:3

Kate posa mare Jerusalem, mae Devet ne tei au ka nogna suga biꞌo na. Aonu mana ne kilo di nabotho nogna gaꞌase gloku teke au faleghu teku mala reireghigna nogna suga na tekura. Eghuteuna mana ne liliseidi ka kaisei suga mala au fabrahu rehati jare. Aonu mana ne vavahi keha mae mala reireghidi nei mala tufa ghedi gano eghu. Nu mana theome tei thuru baludi jateula te sughu eni mana ka reꞌe tifa ra eghu. Rehati ne au fabrahu ka suga igne jateula naikno glehe kokoi ra neu ne ghilei lehe.

Thakle 21:14

Gringnigna namono igne mare babana ke klignadi nabotho phei thina. Ke klignadi thina igre mare rioriso nanghadi nabotho phei nogna khuru mae Lam.

Mae Khuru 7:8

Eghuteuna ke leghugna igne na, God neke cheke ranghini mae Ebraham mala tohi fagaglana mae sua nalha'ure. Igne kaisei fagaglana eigna nogna nhaꞌa cheke God na. Naugna igne, mae Ebraham neke tohi fagaglana mae thugna Isak ka fahanagna narane ke leghugna teke karha mana na. Eghuteuna mae Isak jaola neke tohi fagaglana mae thugna Jekop. Eghuteuna mae Jekop jaola neke tohi fagaglana dila mae thugnare, nabotho phei mae kuꞌeda tahati ra.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Eksodas 2:1

Ka narane tuare kaisei mae ka vikegna Livae ne tolaghi ka kaisei gaꞌase ka vike igne la.

Naba 10:14

Aonu naikno teke au ke parigna nodi flagi vikegna mae Juda gre ngala te mala kulu tei na. Eghuteuna mae Nason, thugna mae Aminadab gne te batudi vikegna mae Juda na.

Naba 13:4

Igre nanghadi mae lida teke kuru tei mana re: Ka vikegna mae Ruben na, mana ne vahini mae Samua, thugna mae Sakua.

Diutronomi 27:12

“Kate kasa te gnafa ghotilo ka Khoꞌu biꞌo Jordan, vikegna Simion, Livae, Juda, Isaka, Josep, nei mae Benjamin teu igre mala tei kegra ka thogele Gerisim mala fablahidi naiknore.

Diutronomi 27:20

“ ‘Puhi biꞌo ginauna thokeni ihei te thuru balugna khetogna kmagna na, naugna puhi igne famamajani kmagna na.’ Eghuteuna naiknore ginauna cheke eghu, ‘Amen!’

Jajis 5:14

Mare ka vikegna Efrem igre soru pari ka glogu. Mare leghuni tei vikegna Benjamin, kheradi mare ra. Mae te nheta ka vikegna Makia ra nei mae biꞌo ka vikegna Sebulun igre jaola soru mei.

Ululahu Samuel 2:22

Ka narane igre, mae Eli gne la kuekuꞌe fara, eghuteuna leuleghu fata na mana nomhidi thoutonu eidi unha te edi phei mae thugna re ka naiknore, nei puhi te thuru fodu phiamare baludi goro gaꞌase te loku ka grengathagna nogna Sugablahi Lord na.

Fapea Samuel 13:21

Mae Devet nomhini puhi te eni mae Amnon igne ne thofno diꞌatagna fara.