Jenesis 35:2 - Buka Blahi Ka Cheke Holo

² Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Jenesis 35:2 ပူးပေါင်းရင်းမြစ်များ

Eksodas 19:14

Kate soru mae Moses funugna ka thogele igne, mana ne fablahidi naiknore, mala tangomana mare te pogho soru ka God. Eghuteuna naiknore ne titihi nodi pohere.

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Jemes 4:8

Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Profet Esikiel 18:31

Ghotilo koko puhimi te diꞌa te figri tagru ghau iara are, eghuteuna ghaoghathomi nei puhi ka nakarhami teu ghotilo are mala ke majaghani fapulo. Ghotilo naiknomi Israel ra! Naugna unha si ghotilo te magnahaghei lehe kolho gnea?

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Josua 24:23

Josua ne cheke eghu ka mare, “Thofno doglo fara, Lord na noda God tahati maeda Israel. Gognarona ghotilo koko nodi mumuju god mae bongihehe te au ka ghotilo are, eghuteuna ghotilo figri gaoghathomi fateote'o ka Lord noda God.”

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”

Diutronomi 32:16

Kate pogho soru ghotilo ka keha god delei na, mana goghotu. Mana diꞌatagna fara ka nomi mumuju god ghotilo are.

Jenesis 31:34

Nu mae Laban ne theome tangomana te filo deni nogna mumuju re. Naugna Resel hata neke pophoru mumujure igne ke lamnagna pilo teke gnokro naꞌa ka kamel na.

Jenesis 31:19

Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Galesia 4:8

Tifa, kani teke theome raꞌe lase fakelini teku God na, ghotilo neke sneka ka mumuju kolho.

Ululahu Korin 10:7

Tahati mala thosei pogho soru ka mumuju jateula mare eghu. Eigna grioriso te blahi na cheke eghu, “Naiknore gnokro soru mala ima nei koꞌu. Aonu kegra haghe mala tei gnognoro tafri.”

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Profet Daniel 5:4

Kate koꞌu teuna, mare ne kilo fnaknoni nodi mumuju god teke horo ka gol, silva, bras, aean, gaju nei thina.

Profet Esikiel 20:7

Iara neke cheke eghu ka mare, “Ghotilo te gnafa na mala thosei fathona ghami themi ka tathagu iara na ka mumuju te diꞌa di Ijep. Koko mumuju te tarai ghotilo are. Iara nomi Lord God ghotilo.”

Profet Jeremaea 16:20

Ba, naikno na tangomana te hohoro nogna god thegna na? Theo. Unha glepo te hohoro naikno na theome god tutuani.”

Profet Jeremaea 5:7

Lord ne cheke eghu ka iheire te au ka namono Jerusalem, “Iara theome tangomana te atha fadelei nakhibomi ghotilore. Naugna ghotilo ne tiromi figri mei ka iara, eghuteuna ghotilo ne leghuni mumuju god te theo kaisei nakarha tagna igne. Neuba iara ne tusu ari gobigna lepo te magnahaghedi ghotilore, nu ghotilo jateula mae te huhughuni puhigna tholaghi na te tei ka sugagna thau vine na ia neu ne theome au balugu iara.

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Profet Isaia 1:16

“Ghotilo fagae ghami themi, eghuteuna thosei ke eni kaisei puhi te diꞌa.

Eklesiasti 5:1

Iagho mala ghaoghatho fakeli kate tei tarai ka nogna Sugablahi God na. Thofno keli fara te tei iagho jare te fanomho na, nu iagho thosei fafara jateula mae te fameomekro ra eghu. Naugna mae te fameomekro na theome laseni unha te doglo ka tathagna God na.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Thoutonu Eigna Mae Job 1:5

Hamerane boibongi ke leghudi gaghamu igre, mae Job ne gahu fafara mala klino ka tathagna God na maladi mae thugna re. Leuleghu fata na, mana eni koba igne naugna te ghathoni mana na, na glahu kaisei ka mare tapla jafra ka nakhibo ranghini God ba cheke faparini mana ka nagnafadi re.

Ululahu Kronikols 16:26

Nodi god naiknore theo nafudi kolho, nu Lord neke eni maloa gne baludi gobigna lepo te au ke lamnagna.

Fapea Kings 17:29

Neuba, naiknodi delei te mei au ka namono te gnafa Samaria igre, mare sari nodi mumuju god thedi koba, eghuteuna mare fakegra haghe mumuju igre ka vido blahi teke kulu edi naiknodi Israel ra.

Fapea Kings 5:10

Eghuteuna mae Elisa kuruni nogna mae gloku na ne tei cheke eghu ka mae Naman, “Iagho tei apu fitu fata ka Khoꞌu biꞌo Jordan, eghuteuna thinimu iagho na ginauna nake keli fapulo.”

Fapea Samuel 7:23

Eghuteuna theo kaisei naikno ka nauthoglu igne te jateula nou naikno iagho Israel igre teuna. Iagho neke fakarhidi mala kafe laseni nanghamu te fnakno kligna lahu. Ulu lahu na iheire te sneka, nu iagho fasnaglidi mala nou naikno themu. Iagho neke fakarhidi kuꞌedi nou naikno iagho teke au Ijep ra. Iagho neke edi kofubobhoi te biꞌo kani teke brue fajifladi iagho keha naiknora balu nodi mumuju god.

Thoutonu Eigna Rut 1:15

Aonu Naomi ne cheke eghu ka Rut, “Filo sagho, kheramu gaꞌase ia keli figri hila ka kheragna nei nogna god eghu te pogho soruni naꞌa Moab na. Eghume, jame te keli na iagho ke figri balugna.”

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Josua 24:20

Neuba Lord ne thofno keli fara ka tahati, nu jame te tei kokoni ghotilo mana na, eghuteuna jaola me tei leghudi ghotilo keha god are teuna, mana ginauna diꞌatagna ka ghotilo, te eghu na, mana ginauna goigoni fahui ghami ghotilo.”

Josua 24:2

Josua ne cheke eghu ka naiknore, “Tahati te gnafa na vikegna Israel naugna Lord ngala noda God tahati na. Mana ne cheke eghu, ‘Tifa te mei na kuꞌeda tahati ra au khaba ka keha phile Khoꞌu biꞌo Iufretis, mare theome gnafa te tarai ka keha god delei. Eghuteuna kaisei ka kuꞌeda tahati ra, nanghagna na Tera, neke au phei thugna nalhaꞌu nanghadire, Ebraham ghe Naho.

Josua 23:7

Ghotilo thosei fofodu baludi naikno bongihehe te au teu balumi ghotilo are. Eghuteuna ghotilo thosei tarai ka nanghadi nodi god mare tuare. Eghuteuna ghotilo thosei baubahu tadi ba loku ranghidi ba pogho soru ranghidi.

Diutronomi 11:28

Nu jame te tiromi leghudi ghotilo nogna cheke Lord nomi God te figri tagruni mana te tei leghudi keha god delei teke theome lasedi ghotilore, mana ginauna ei puhi biꞌo mala mei thoke ghami ghotilo.

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Diutronomi 6:14

Ghotilo thosei pogho soru ka nodi god keha naiknoi te au faligoho ghami ghotilo are,

Diutronomi 5:7

Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Naba 31:24

Eghuteuna ka fafitu narane na, ghotilo ginau wasi nomi pohere mala ke klino ghotilo ka tathagna Lord na, ame tangomana nga ghotilo teke jugru mei ka noda namono gne.”

Levitikas 17:16

Nu jame te theome titihi mana nogna pohe na, ba te theome apu mana na, mana ginauna papara eigna.”

Levitikas 15:5

Eghuteuna jame keha mae haboni sape tuana, ba gnokro ka unha teke gnokro mae tuana tagna na, te eghu na, mana titihi nogna pohe re eghuteuna mana apu, naugna mae tuana na theome klino ka tathagu iara na ghilei rafi.

Eksodas 23:13

“Fanomho fakeli nei leghudi eghu ghotilo unha te cheke iara ka ghotilo igre. Iara theome snakre ghami ghotilo te pogho soru te tarai ghotilo ka mumuju na, ba te chekedi ghotilo nanghadire. Nangha tuare iara theome magnahaghei te nomhidi ka foflomi ghotilore.”

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Jenesis 34:2

Aonu kate filoni Daina na mae Sekem ne mei lokini naꞌa, neuba naꞌa ne tirogna, mana hatani naꞌa ne tei ne eni puhi te diꞌa na ka naꞌa. Mae Sekem gne thugna nalhaꞌu mae Hamo vikegna mae Hivi, mae ihei te mae funei ka kantri Kenan.

Jenesis 31:30

Iara lase nigho iagho magnahaghei te jifla koko ghau iara mala ke pulo ka namono aheva teke karhamu na teuna. Nu naugna unha sagho te rikha balumu nogu mumujura te mala reireghi gna nogu suga ia?”

Ululahu Samuel 16:5

Mana ne cheke eghu ka mare, “Uve, iara mei ka pharikeli mala fafara ka Lord. Ghotilo fagae ghami themi ke ulugna Lord, eghuteuna ghotilo mei mala fafara balugu iara.” Mae Jesi baludi thugna re mare mala klino ke ulugna Lord. Aonu mana kilodi mare ne mei ka fafara igne.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.