Jenesis 35:18 - Buka Blahi Ka Cheke Holo

¹⁸ Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 35:18 ပူးပေါင်းရင်းမြစ်များ

Mae Khuru 7:59

Kate fada thina ni mare na, mae Stivin ne tarai, “Lord Jisas, hata tharungagu gne!”

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Ululahu Kronikols 4:9

Kaisei mae nanghagna na mae Jabes, gaoghathogna Jabes teu igne, kabru eghu. Eghuteuna nangha igne neke fangangha idogna na ka teke kabru kate karhagna mana na. Naiknore ghatho tahuni mana ke uludi thabusigna manare.

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Lamentations 2:12

Goro sua igre tanhi ghedi gano nei khoꞌu eghu ka idodire. Ghilei khoko soru lamna nabrou jateula mae te fnera ra neu. Eghuteuna lehe soru nodi ka thinidi idodire.

Nodi Khoje Hatimare Mae Jiu 80:17

Taji ghami nei batu ghami eghu sagho ghehati nou naikno teke vavahi themu gre. Naugna iagho neke magnahaghei ghami ghehati te kmana nei nheta neku.

Nodi Khoje Hatimare Mae Jiu 16:10

Iagho ginauna na theome snakre tei ghau iara ka namonodi naikno tela lehehi ra. Iagho theome snakre ghau iara te mala boto ke lamna gluma na naugna iara ne namha nigho iagho.

Eksodas 12:7

Eghuteuna naiknore na atha keha dadara mala ghiha ka phei phile re nei ke kligna eghu ka grengathagna nodi suga na.

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Jenesis 42:38

Nu mae Jekop ne cheke eghu, “Mae thugu iara Benjamin igne theome tangomana te tei balumi ghotilo na. Theo. Naugna mae thofno tighagna na la lehehi, kaisei mana kolho te au teu balugu iara gognaro na. Te mhaghuni iara na, glahula edi keha glepo te diꞌa fara ka mana ka nabrou te tei ghotilo Ijep ana. Meu la na, iara ginauna na lehe ka diꞌanagnafa, naugna iara la mae khueku'ehi.”

Jenesis 42:4

Nu mae Jekop ne theome snakreni mae Benjamin te tei baludi mare na. Eigna mae Benjamin gne thofno tahigna mae Josep. Mae Jekop ne nanga nogna fara glahula mei keha mae neneini mana ka nabrou na.

Jenesis 30:1

Kate laseni Resel te khara te theo thugna na, naꞌa ne diꞌatagna fara ka Lea ne cheke eghu, ka mae Jekop, “Fabukla ghau iara sagho. Te theo iagho na, iara ginauna na lehe nogu.”

Jenesis 35:17

Kate karha sua te kabru ghegna fara Resel na, thau te mala toghoni naꞌa kate karha sua na ne cheke eghu ka naꞌa, “Resel, thosei mhaghu iagho kela au kaisei thumu nalhaꞌu!”

Jenesis 35:19

Agne ne lehe Resel. Aonu mare giugiluini naꞌa ka geri nabrou te tei posa Efrata, gognaro mare kiloni namono igne Betlehem.

Jenesis 35:24

Phei mae teke karha ka Resel re neke mae Josep ghe mae Benjamin.

Jenesis 49:27

“Iagho mae Benjamin ia, vikemu iagho re ginauna mala jateula kaisei khuma te fakaukathu ra eghu. Narane thongana na tei hamerane nei grafi teuna mana na tei tongana falehedi nogna naokare mala ghamu ghegna. Ginauna na jateula tuana eghu vikemu iagho re.”