Jenesis 35:16 - Buka Blahi Ka Cheke Holo

¹⁶ Mae Jekop balugna nogna vike na jifla Betel ne tei au ka namono Efrata. Kate khaba nga teu mare ka namono na Resel ne namo au sua ne funu kabru.

Jenesis 35:16 ပူးပေါင်းရင်းမြစ်များ

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Matiu 2:18

“Naikno te au ka namono Rama ne nomhini kaisei naogla, u naogla natanhi nei phaopado, Resel ne tanhidi thugnare, ne theome kmu, naugna mare ne kafe lehehi.”

Jenesis 48:7

Iara eni cheke igne naugna iara ne kokhoni noguni fara idomu iagho Resel ia. Naꞌa neke lehe ka narane teke jifla iara Mesopotemia teke pulo Kenan ia. Naꞌa neke lehe ka narane teke mei namo hi ghehati ka namono Efrata, aonu iara neke giugiluni naꞌa rhegna nabrou na jare.” Efrata gne gognaro na Betlehem.

Ululahu Timoti 2:15

Nu God ginauna fakarhidi gaꞌasere kate fakarha sua na. Tutuani, God ginauna fakarhidi reꞌe eghu te fatutuani fabrahu, namha, klino, nei au fakeli fabrahu teu reꞌe ka nakarhadire.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.

Nodi Khoje Hatimare Mae Jiu 132:6

Kate au teu ghehati Betlehem, ghehati neke nomhini thoutonu eigna Bokis Blahi gna nou nhaꞌa cheke iagho ia. Aonu kate mei ghehati jare Kiriat Jearim na ghehati ne filoni nou Bokis Blahi iagho na jare.

Ululahu Kronikols 2:19

Kate lehe Asuba na, mae Kaleb neke tolaghi ka Efrat, eghuteuna repa ne au kaisei thudi nalhaꞌu, nanghagna na mae Hua.

Fapea Kings 5:19

Aonu mae Elisa ne cheke eghu ka mana, “Tei sagho, thosei nanga nou.” Aonu mae Naman jifla ne tei. Nu mana theome tei fakhaba ngau,

Jenesis 35:19

Agne ne lehe Resel. Aonu mare giugiluini naꞌa ka geri nabrou te tei posa Efrata, gognaro mare kiloni namono igne Betlehem.

Jenesis 3:16

Aonu God ne cheke eghu ka gaꞌase na, “Iagho ginauna na para nigho fara kate bukla na. Eghuteuna iagho ginauna na kabru gheu fara kate karha gna sua na. Neuba iagho ne au papara, iagho ginauna na magnahagheni fara khetomu na, eghuteuna mana ginauna na funei fruni nigho iagho.”

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Ululahu Samuel 10:2

Kate jifla iagho agne gognarogne, iagho ginauna tei ka nohi Benjamin, eghuteuna iagho ginauna thafodi phei mae Selsa rhegna bekugna Resel tifa ia. Phiamare ginauna cheke eghu ka iagho, ‘Dongki ra kela filodihi mare. Nu mae kmamu iagho na nanga nogna fara ka ghopa, eghuteuna thono ghathoni fara eigna te mala teke thafo ghami ghopa na.’