Jenesis 35:1 - Buka Blahi Ka Cheke Holo

¹ God ne cheke eghu ka mae Jekop, “Ghema Jekop, iagho ke pulo Betel mala eni kaisei olta jare mala tufru soru ghau iara. Iara ngala God mae ihei teke thakle ka iagho kani teke rikhani iagho mae tighamu Iso tifa ia.”

Jenesis 35:1 ပူးပေါင်းရင်းမြစ်များ

Jenesis 31:13

Iara God mae ihei teke tufru soruni mae kmamu iagho ia ngala teke thakle ka iagho Betel ia, ka vido aheva teke fakekegra haghe iagho kaisei thina teke tofa oel ke kligna gna tifa ia. Eghuteuna iagho neke eni kaisei nhaꞌa cheke ka iara. Eghume iara magnahaghei nigho iagho te tarabana nou gobigna lepore iagho re mala jifla agne mala ke pulo ka vido aheva teke karhamu na.’ ”

Profet Hosia 12:4

Kaisei fata, mana neke magra balugna kaisei engel neke nheta uluni engel igne. Mana neke toreni engel igne mala fablahini. Kani au teku mana ka namono Betel, God neke mei cheke ka mana.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Jenesis 35:7

Jare mae Jekop ne eni kaisei olta, ne kiloni vido igne El Betel. Gaoghathogna na “God gna Betel.” Naugna God neke thakle ka mana jare kani teke rikhani mana mae tighagna Iso tifa ia.

Jenesis 31:3

Lord ne cheke eghu ka mae Jekop, “Ghema, ke pulo sagho ka namono aheva teke au mae kmamu nei vikemu teku ra. Iara gne ginauna au balumu iagho.”

Nodi Khoje Hatimare Mae Jiu 47:4

Mana magnahaghei fara ghita vikegna mae Jekob na, naugna tahati nogna naikno mana. Eghuteuna vido te au teu tahati te fahaehagheni teu tahati igne, mana neke vahini mala noda tahati neku.

Eksodas 2:15

Kate nomhini king eigna igne, mana fariuriu mala aknu faleheni mae Moses, nu mae Moses rikha ne tei ka nohi Midian. Kaisei fata, kate gnokro teu Moses rhegna kaisei seu na,

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Jenesis 16:8

Eghuteuna engel na ne cheke eghu ka naꞌa, “Hega, iara lase nigho iagho nogna naikno gloku Sarai. Iagho neke mei funu aheva neku? Iagho mala tei aheva, naugna unha?” Naꞌa ne cheke eghu, “Iara ne rikhani Sarai.”

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Profet Nahum 1:15

Ghotilo naiknomi Juda! Filo ghotilo ia! Kaisei mae mala hata nonomho na la plomho mei ka thogele ro. Mana hata mei famane nonomho eigna pharikeli. Te keli na tahati mala gleale'a eidi noda narane biꞌo igre mala ke ghathodi noda nhaꞌa cheke teke eni tahati balugna Lord. Naikno te diꞌare ginauna theome tangomana nate mei hata noda namono tahati igne. Lord ginauna thofno goigonidi mare, eghuteuna theo kaisei ka mare nate karha na.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Jenesis 34:31

Aonu phia mare ne cheke eghu, “Unha te eni ghehati igne glepo keli kolho naugna ghehati theome tangomana te snakre ni gregami na ka mana te mala jateula kaisei thau vine teuna.”

Ululahu Samuel 10:3

“Eghuteuna kate jifla iagho ka vido igne te tei thoke Tekoa ka gaju blahi na, iagho na filoni kaisei fagaglana. Eghuteuna iagho ginauna thafodi thilo mae te tei fafara God Betel. Kaisei mae na korho thilo sua nanigot, keha mae na hata thilo bret blahi balugna, eghuteuna fatilo mae na pala kaisei duku guli nanigot te fodu ka waen.

Jenesis 29:1

Mae Jekop tei ne posa ka naikno te au ka namono ke maghati re.

Jenesis 35:15

Mae Jekop ne kiloni vido teke facheke God ka mana igne, Betel.