Jenesis 34:7 - Buka Blahi Ka Cheke Holo

⁷ Kate cheke teu phiamare na, hatimare mae thugna nalhaꞌu mae Jekop re neke pulo mei. Hatimare la nomhinihi u puhi te diꞌa te eni mae Sekem ka gregadi na igne ne thono diꞌatadi fara. Glepo te eni mae Sekem ka thugna gaꞌase mae Jekop na igne thono diꞌa fara ka tathadi mae Israel re.

Jenesis 34:7 ပူးပေါင်းရင်းမြစ်များ

Jajis 20:6

Ke leghu na, iara hata thinigna na neke vaevahe ka nabotho phei vido, eghuteuna iara neke tufa neke tei ka nabotho phei vikeda tahati ra. Iara eni igne, naugna maedi Gibea igre eni glepo te thono diꞌa fara na ka tahati Israel.

Josua 7:15

Eghuteuna mae ihei teke hata glepo mala nako ka khaꞌaghi teku ra tuana nate gnubra falehe ghotilo ka khaꞌaghi balu tharaknagna nei nogna gobigna lepo fateote'o. Naugna mae tuana ne eni kaisei najafra biꞌo te thono diꞌa fara ne ranghini Israel. Eghuteuna mae tuana jaola ne huhughuni nogu cheke iara na.”

Diutronomi 22:21

Jame te tutuani na, hatimare mae lida mala hata tei gaꞌase igne ka grengatha gna nogna suga mae kmagna na. Aonu mae nalhaꞌugna namono na fadini naꞌa ka thina ghilei lehe naꞌa. Gaꞌase igne neke jafra kani au teku ka suga gna kmagna na eghuteuna naꞌa ne famamajadi naiknodi Israel. Eghume ka puhi igne, ghotilo koko puhi te diꞌa igne.”

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Jenesis 20:9

Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Efesus 5:3

Nu te gnognoro ba eni te kaisei nafnata glepo te diꞌa ba mamagna teu igre, thofno theome naba ghotilo naikno blahi nogna God ra te edire.

Ululahu Korin 10:8

Tahati mala thosei gnognoro tafri jateula mare eghu, eigna God neke falehedi varadaki thilo thogha naikno ka mare ka kaisei narane kolho.

Ululahu Korin 6:18

Ghotilo thosei leghuni puhi gnognoro na! Keha nakhibo te edi naiknore au ka gaoghatho kolho theome loku fodu ka thini. Nu iheire te gnognoro re thofno fathonadi fara thinidi thedire.

Proveb 7:7

Iara ne filodi kmana mae majaghani ne fiti nolo tafri kolho. Aonu iara ne filoni kaisei mae ka mae igre, mana theome au tagna glalase te keli.

Nodi Khoje Hatimare Mae Jiu 93:5

Lord God, nou vetula iagho re ginauna kegra fabrahu. Eghuteuna, nou Sugablahi iagho na thono blahi fara, nei ginauna na au fabrahu tifa tifa.

Fapea Samuel 13:21

Mae Devet nomhini puhi te eni mae Amnon igne ne thofno diꞌatagna fara.

Diutronomi 23:17

Theo kaisei mae ba gaꞌasegna Israel, te tangomana te vinegna kaisei vido blahi na.

Levitikas 4:27

“Jame kaisei naikno huhughu ni nogu vetula iara na nu mana theome laseni te jafra na, glepo igne fathona ni mana ka tathagu iara na.

Levitikas 4:13

“Jame mae lida igre huhughuni nogu vetula iara na eigna mare neke theome ghathoni te mala eni na, nu naiknore theome laseni teuna, ghotilo te gnafa na kafe jafra ka tathagu iara na.

Levitikas 4:2

mala tei cheke eghu mana ka naiknodi Israel, “Jame kaisei naikno eni kaisei najafra, glepo igne mana neke theome ghathoni mala eni teku na, nu mana huhughuni nogna vetula Lord na, te eghuna mana fafara leghuni unha te chekeni iara na.”

Jenesis 46:7

Eghume, mana ne tei au jare baludi thugna nalhaꞌu, gragna nalhaꞌu, thugna gaꞌase nei gragna gaꞌase teure Ijep.

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Jenesis 34:6

Nu mae Hamo kmagna mae Sekem na ne mei ka mae Jekop mala roghe ka mana eigna puhi igne.

Jenesis 34:8

Nu mae Hamo ne cheke eghu ka mae Jekop nei ka hatimare goro thugna nalhaꞌu mana re, “Mae Sekem, mae thugu nalhaꞌu iara gne, mana magnahagheni fara te tolaghi ka Daina gne. Eghume iara na ghusna ghami ghotilo eghu, e keliu ngala te tolaghi repa na ba theo?

Diutronomi 22:20

“Nu jame mae tuana cheke tutuani, eghuteuna mare theo kaisei vido pohe te mala laseni te gaꞌase igne neke theome thuru balugna keha maei tifa na neke tolaghi nga teuna.

Profet Jeremaea 29:23

Iara ginauna goigonidi phei mae igre, naugna phei mae igre ne eni puhi te thono diꞌa fara na fari hoteimi ghotilo maemi Israel. Phei mae igre neke eni puhi te diꞌa na ka khetodi mae kheradi thedi re, eghuteuna phei mae igre jaola toutonu chaghi ka nanghagu iara. Iara neke theome tusu lao cheke te toutonu ka ghotilo phei mae igre. Iara Lord, iara lasedi puhidi phei mae igre, eghuteuna iara thegu filonihi igne.” Igne cheke gna Lord.