Jenesis 34:5 - Buka Blahi Ka Cheke Holo

⁵ Mae Jekop ne nomhini mae Sekem te eni puhi te diꞌa na ka thugna gaꞌase na. Nu mana ne fakmuni eigna puhi igne, naugna hatimare mae thugna mana re la teihi te mala filodi sipure. Mae Jekop magnahaghei te ofo teu ke ghilei pulo mei mae thugnare ame cheke ranghini nga mae Sekem.

Jenesis 34:5 ပူးပေါင်းရင်းမြစ်များ

Fapea Samuel 13:22

Eghuteuna mae Absalom jaola ne diꞌatagna fara ka mae Amnon, nei theome cheke fabrahu ka mana. Naugna mae Amnon ne eni puhi te diꞌa na ka greghagna na. Aonu mae Absalom ne theome magnahaghei te filoni tathagna mae Amnon.

Luku 15:29

Mana diꞌatagna ne cheke eghu ka mae kmagna na, ‘Filo sagho, iara loku ranghigho kmana finogha. Iara theome saosakloni kaisei nou vetula. Nu iagho theome falelehe kaisei sua sipu mala ghamu mala gleale'a iara baludi mae kheragu fofodu gre.

Luku 15:25

“Ka vido te edi mare igre, mae tighagna na au neu ka nagare na. Kate mei namo mana ka suga na, mana ne nomhidi naogladi nifu nei gragi.

Ululahu Samuel 17:15

nu mae Devet tangomana te mei ka vido igne, eghuteuna ke pulo Betlehem mala ke tei reireghidi nogna sipu mae kmadi na.

Ululahu Samuel 16:11

Aonu mae Samuel ne ghusna eghu ka mae Jesi, “Mae igre kolho thumu iaghore?” Mae Jesi ne cheke eghu, “Uve, nu mae leghu lahu ka mae igre na, mana reireghi sipu.” Aonu mae Samuel ne cheke eghu, “Iagho kuruni kaisei mae mala tei atha meini mana agne. Tahati na theome fufunu fafara na ghilei mei posa mana.”

Ululahu Samuel 10:27

Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Jenesis 30:35

Ka narane tuana la mae Laban ne hata nanigot te vegha te thuthunu nei sipu pipito teure ne chekedi mae thugna nalhaꞌu re ne hata ne tei ka keha vidoi ne reireghidi.

Nodi Khoje Hatimare Mae Jiu 39:9

Gognaro na iara au kmu. Iara na theome gagri kaisei cheke, naugna iagho neke para ghau.

Jenesis 34:4

Aonu mae Sekem ne cheke eghu ka mae kmagna na, “Mama, iara magnahaghei nigho iagho te hata gaꞌase igne mala khetogu iara.”

Jenesis 34:6

Nu mae Hamo kmagna mae Sekem na ne mei ka mae Jekop mala roghe ka mana eigna puhi igne.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”