Jenesis 34:30 - Buka Blahi Ka Cheke Holo

³⁰ Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Jenesis 34:30 ပူးပေါင်းရင်းမြစ်များ

Nodi Khoje Hatimare Mae Jiu 105:12

Nu ka narane tuare, kuꞌeda tahatire neke theome kmana nga teku, eghuteuna mare neke theome au ka kaisei vido ngala ka kantri tuana.

Ululahu Samuel 13:4

Aonu mae soldia igre ne toutonu eigna mae Sol balugna nogna armi na teke aknu falehe armi gna Filistia teke au teku ka namono Gibea. Eghuteuna mare jaola neke toutonu eidi naiknodi Filistia te theome magnahaghedi naiknodi Israel gre. Eghuteuna mare chekeni te maedi Filistia gre mala leghuni nogna cheke King Sol na mala mei loku fodu ka namono Gilgal.

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Eksodas 5:21

Aonu mae greireghi igre ne cheke eghu ka Moses ghe Eron, “Snakreni Lord mala para ghami ghopa eidi glepo te edi ghopa igre. Ghopa eni king nei nogna funei mana igre mala theome magnahaghei ghami ghehati jateula mae ihei te theome magnahagheni glepo te siri diꞌagna fara ia neu. Ghopa ei puhi ranghidi mare mala falehe ghami ghehati!”

Ululahu Kronikols 19:6

Kate nomhini King Hanun nei hatimare mae biꞌodi Amon gre eghu te diꞌatagna fara King Devet ka mare na, mare ne foli tolufulu fati thogha kilo silva mala hata chariot mala magra ka maedi Naharaem, maedi Maka, maedi Soba nei maedi Siria.

Ululahu Kronikols 16:19

Nu ka narane igre, kuꞌeda tahati ra neke theome kmana nekeu, eghuteuna mare neke theome au ka kaisei vido kolho ka glose igne.

Ululahu Samuel 27:12

Aonu mae Akis ne fatutuani ni mae Devet ne cheke eghu, “Mae Devet gne maegna Israel, nu nogna naikno manare jame tirodini mana gognarona. Eghume, mana ginauna mala loku ranghi ghau iara fabrahu.”

Proveb 15:27

Mae te khiri na atha mei puhi biꞌo ka thabuknagna na. Nu mae te tirogna fanomho ka ihei te mei cheke famaemaheni mana mala atha glepo ka mana teuna, mana ginauna karha.

Proveb 11:29

Ihei te theome reireghi fakelidi nodi glepo tharaknagnare, ginauna theo kaisei glepo nate au na. Eghuteuna ihei te theome lalase na, mana mala loku ranghini kolho mae te lalase na.

Proveb 11:17

Te kokhoni ni iagho keha naikno na, naikno igne ginauna kokhoni nighola iagho. Nu te goigonini iagho keha naikno na, naikno igne ginauna jaola goigoni nigho iagho.

Ululahu Kronikols 16:12

Tahati neke karha mei ka vikegna Israel, nogna mae gloku Lord. Eghuteuna tahati goro thugna mae Jekop, mae ihei Lord teke vahini. Leuleghu fata na tahati mala ghathodi kofubobhoi teke edi mana ra, ba puhi te fatedi mana mae naoka ra.

Ululahu Kronikols 2:7

Akan thugna mae Kami, vikegna mae Sera igne ne edi keha puhi te diꞌa ka naiknodi Israel, naugna mana ne hata glepo mala gnubra fahui teku Lord re.

Ululahu Kings 18:18

Nu mae Elija ne cheke eghu ka mana, “Theo! Iara theome mae mala ei puhi biꞌo agne Israel. Iagho! Iagho baludi tharaknagna mae kmamu ra! Naugna ghotilo ne tiromi leghuni chekegna Lord na, eghuteuna ghotilo tarai ka mumuju god Baal.

Fapea Samuel 10:6

Kate laseni hatimare mae Amon igre te thofno diꞌatagna fara mae Devet eigna unha te eni mare igne, mare hata varadaki thogha soldia Aram funu Bet-Rehob nei Soba. Eghuteuna nabotho phei thogha Tob, eghuteuna hata kaisei thogha soldia Maka. Mare kafe mei ne loku fodu tarabana mala magra.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 16:2

Nu mae Samuel ne cheke eghu, “Jame te nomhini mae Sol eigna igne na, mana ginauna diꞌatagna falehe ghau iara.” Aonu Lord ne cheke eghu, “Theo. Iagho ginauna hata tei balumu kaisei sua buluka gaꞌasegna. Kate posa iagho ka namono na, iagho ginauna cheke eghu ka naiknore, ‘Iara gne mei mala fafara ka Lord.’

Diutronomi 7:7

“Lord namha ghami ghotilo neke vahi fadelei ghami ghotilo, theome naugna te kmana te salaꞌudi ghotilo keha naiknore ka nauthoglu igne. Ghotilo laseni, ghotilo bua fara salaꞌudi keha naiknore ka nauthoglu igne.

Jenesis 46:27

Teke karha Ijep ka khetogna mae Josep na neke phei mae nalhaꞌu. Eghume khaputudi teke thugna nei gragna teu mae Jekop teke tei au Ijep re neke fitu salei.

Jenesis 12:12

Kate filo nigho mae di Ijep re mare ginauna na khae nigho iagho. Nu jame te lase nigho mare iagho te khetogu iara teuna, mare ginauna na kulu falehe ghau iara eghuteuna mare ginauna na fakarha nigho iagho.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 34:2

Aonu kate filoni Daina na mae Sekem ne mei lokini naꞌa, neuba naꞌa ne tirogna, mana hatani naꞌa ne tei ne eni puhi te diꞌa na ka naꞌa. Mae Sekem gne thugna nalhaꞌu mae Hamo vikegna mae Hivi, mae ihei te mae funei ka kantri Kenan.

Jenesis 34:29

Mare ne hata glepo te ulu fara teke khotodi naiknore, balu goro gaꞌase nei goro sua nei glepo te gnafa teke au ke lamnadi sugare.

Jenesis 34:31

Aonu phia mare ne cheke eghu, “Unha te eni ghehati igne glepo keli kolho naugna ghehati theome tangomana te snakre ni gregami na ka mana te mala jateula kaisei thau vine teuna.”

Jenesis 46:26

Eghume khaputudi teke thofno vikegna mae Jekop teke tei balugna Ijep re neke namno salei naikno. Teke khetodi thugna nalhaꞌu mae Jekop re neke theome kahadi.

Diutronomi 4:27

Eghuteuna mana ginauna ngolhi fajifla ghami ghotilo mala tei au baludi naiknodi keha namono are, eghuteuna keha ka ghotilo kolho nate karha au teu ka namono tuare.

Jenesis 12:6

mae Ebram balugna nogna vike na ne salaꞌu ne tei ne ghilei posa ka namono Sekem. Jare Sekem ka kaisei vido te kiloi More, au kaisei gaju biꞌo aheva naiknodi Kenan te mala pogho soruni nodi god na. Ka narane tuare naiknodi Kenan re la kulu auhi jare.

Fapea Samuel 16:21

Aonu mae Ahitofel ne cheke eghu ka mana, “Iagho tei thuru baludi nogna gaꞌase gloku mae kmamu teke lisa faleghu mana mala reireghini nogna suga king teku ra. Ka puhi igne naikno te gnafa Israel igre ginauna laseni mae kmamu iagho na thofno tirogna nigho iagho fara. Aonu naikno te leghu nigho iagho igre ginauna ghaoghatho heta te mala leghu nigho iagho na.”

Ululahu Kings 11:25

Aonu leuleghu fata ka nakarhagna King Solomon igre, King Reson gne kaisei nogna naoka mana. Eghume King Hadad maegna Idom igne mana eꞌei puhi ranghini Israel, eghuteuna King Reson maegna Siria igne jaola naoka ranghini Israel.