Jenesis 34:29 - Buka Blahi Ka Cheke Holo

²⁹ Mare ne hata glepo te ulu fara teke khotodi naiknore, balu goro gaꞌase nei goro sua nei glepo te gnafa teke au ke lamnadi sugare.

Jenesis 34:29 ပူးပေါင်းရင်းမြစ်များ

Jenesis 34:27

Kate aknu falehe te gnafa mae Simion ghe mae Livae mae nalhaꞌu gna namono na, keha thugna nalhaꞌu mae Jekop re ne tei ka namono na ne hata fateo glepo te keli gna namono na ne tei nodi. Igne ngala ke tughu fapulo gna mare u puhi te diꞌa teke eni mae Sekem ka gregadi na.

Jenesis 34:28

Aonu mare ne jaola ne hata fateo sipu nei buluka nei dongki teu re. Mare jaola ne hata gobigna lepo te au ke lamnagna namono na ba ke kosigna namono na eghu.

Jenesis 34:30

Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Jenesis 31:26

Aonu mae Laban tei ka mae Jekop ne cheke eghu ka mana, “Ghema, unha site eni iagho ka iara gnea? Iagho chaghi ghau iara ne hata fedeleidi thugu gaꞌase iara gre ne jateula naikno teke sneka ka u magra neu.

Naba 31:9

Maedi Israel ne lolhokudi goro gaꞌasedi Midian baludi thudi teure. Eghuteuna mare jaola ne atha nodi buluka, sipu, nei nodi gobigna lepo te keli mare re.

Naba 31:11

Mare atha ne teidi naikno te gnafare nei nodi gobigna lepo te keli nei glepo te tautagu teu mare re.