Jenesis 34:27 - Buka Blahi Ka Cheke Holo

²⁷ Kate aknu falehe te gnafa mae Simion ghe mae Livae mae nalhaꞌu gna namono na, keha thugna nalhaꞌu mae Jekop re ne tei ka namono na ne hata fateo glepo te keli gna namono na ne tei nodi. Igne ngala ke tughu fapulo gna mare u puhi te diꞌa teke eni mae Sekem ka gregadi na.

Jenesis 34:27 ပူးပေါင်းရင်းမြစ်များ

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Nogna Buka Esta 9:16

Eghuteuna mae Jiu te au ka provins igre jaola ne magra heta. Mare ne aknu falehe fitu salei glima thogha naoka. Nu mare jaola ne theome hata kaisei glepo ka naikno te lehe igre.

Josua 7:21

Ka teke magra tahati teke hata glepodi Jeriko ra, iara neke filoni kaisei famane pohe gna Babilonia, nei kaisei vido silva eghu, tahugna na jame phei kilo gram, nei kaisei vido gol, tahugna na jame kaisei vido kilo gram. Iara thono magnahaghedi fara glepo igre neke hata malagu thegu. Iara hata glepo igre neke titifuni lamna glose ka nogu suga tapuale na, baludi silva re pari lahu.”

Josua 7:13

“Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Josua 7:1

Lord neke cheke faheta fara ka naiknodi Israel igre mala thosei hata kaisei glepo ka namono Jeriko. Nu kaisei mae ka mare nanghagna na mae Ekan, thugna mae Kami, gragna mae Sabdi, vikegna mae Sera thugna mae Juda tifa igne ne theome leghuni chekegna Lord igne ne blau keha glepo. Lord ne thono diꞌatagna fara ka nafnata puhi te eni mana igne.

Eksodas 2:14

Nu mae igne ne cheke eghu ka mae Moses, “Ei! Ihei teke vahi nigho iagho te mae mala reireghi ghami ghehati nei mala fate ghami ghehati teuna? Ba, iagho magnahaghei te falehe ghaula iara jateula maegna Ijep teke aknu falehe iagho gnora ia eghu?” Aonu kate nomhini igne, mae Moses ne mhaghu nogna fara, ne ghaoghatho eghu, “Naikno gre jame kafe lasenihi teke aknu falehe iara maegna Ijep gnora ia.”

Jenesis 34:31

Aonu phia mare ne cheke eghu, “Unha te eni ghehati igne glepo keli kolho naugna ghehati theome tangomana te snakre ni gregami na ka mana te mala jateula kaisei thau vine teuna.”

Jenesis 34:2

Aonu kate filoni Daina na mae Sekem ne mei lokini naꞌa, neuba naꞌa ne tirogna, mana hatani naꞌa ne tei ne eni puhi te diꞌa na ka naꞌa. Mae Sekem gne thugna nalhaꞌu mae Hamo vikegna mae Hivi, mae ihei te mae funei ka kantri Kenan.

Jenesis 34:26

Leghu lahu na mae Simion ghe mae Livae tei ne aknu falehedi mae Hamo ghe mae Sekem. Aonu phia mare ne hata fajifla Daina ka sugagna mae Sekem na ne tei nodi.

Jenesis 34:28

Aonu mare ne jaola ne hata fateo sipu nei buluka nei dongki teu re. Mare jaola ne hata gobigna lepo te au ke lamnagna namono na ba ke kosigna namono na eghu.

Profet Esikiel 39:10

Mare ginauna theome ke hiro gaju mala gahu gano na, nei na theome ke tei mata mala kato soru gaju, naugna mare tangomana te hata kolho glepo mala magra igre. Eghuteuna mare ginauna hata famane glepo ka mae naoka teke hata glepo te keli ka mare. Igne nogu cheke iara Lord.”

Profet Emos 3:11

Naugna igne, kaisei thara ginauna ruma mei ke lamnagna namono igne. Mare ginauna mei goigoni baradi namono biꞌo te rheta igre mala ruma hata glepo te keli te au ke lamnadi suga tuare.”