Jenesis 33:8 - Buka Blahi Ka Cheke Holo

⁸ Mae Iso ne cheke eghu, “Mala unha eghu sagho gaoghathodire glepo atha te mei iagho mae gloku, tothoghei nanigot, sipu, kamel, buluka nei dongki eghu te mei thafodi iara ka nabrou na igre ra?” Mae Jekop ne cheke eghu ka mana, “Nogu funei, glepo igre mala ke fakeli nagnafa ka iagho kolho.”

Jenesis 33:8 ပူးပေါင်းရင်းမြစ်များ

Jenesis 32:5

Iara au nogu tothoghei buluka, dongki, sipu, nanigot, mae gloku nei gaꞌase gloku eghu. Iara faꞌari cheke igne ka iagho nei tore nigho iagho eghu mala keli iagho ranghi ghau iara eghu.’ ”

Nogna Buka Esta 2:17

Kate tei Esta ka king na, mana filoni Esta ne magnahagheni fara ke tulaodi keha gaꞌase teke kulu tei filoni mana igre. Aonu mana ne lisei lao khepi nafnakno na ka phaꞌugna Esta na mala tughuni Kuin Vasti.

Jenesis 39:5

Aonu funu ka narane te au mae Josep ka gloku igne na Lord ne fablahini tharaknagna nei glepo te gnafa teu te au ka sugagna nei nogna nagare teu mae Potifa re, naugna mae Josep ne au neu jare baludi.

Jenesis 33:7

Lea jaola ne mei baludi thugnare ne pogho soru pari. Leghu lahu na mae Josep ghe Resel jaola ne mei ke ulugna mae Iso ne pogho soru pari.

Jenesis 32:6

Mae igre neke pulo mei neke cheke eghu ka mae Jekop, “Ghehati ne hata cheke ne tei posa ka mae tighamu Iso, eghuteuna mana gognaro na mei thafo nigho iagho fari hotei nabrou. Eghuteuna fati gobi mae na mei balugna mana.”